Denboraldia ezin hobeto borobildu du Gipuzkoa Ogiberri taldeko txirrindulari kadeteak, joan den astean Sarrigurenen bukatu zen torneoa irabazita. Martxoan Tafallako lehendabiziko etapa irabazita, behin ere ez du lidergoa galdu.
Merezitako oporrak hartu ditu orain Garazi Estebezek. "Oso pozik" ei dago Euskaldun Torneoa irabaztearren, eta, orokorrean azkenaldian izaten ari den errendimenduarekin. Izan ere, uztailean Espainiako txapelketan bi domina irabazi zituen, eta Euskadiko Txapeldun izan zen bi aste beranduago.
Euskalduna Torneoari dagokionean, hamalau etapetan Estebezek hasieratik lortutako lidergoari eutsi ahal izan dio, eta Sarrigurenen bigarren eginda borobildu zuen bere bolada ona, txapela jantzita.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
