goiena.eus

Karateko Liga Nazionalean izango dira UDAko hiru kirolari

  Kirola  Aretxabaleta

Bihar, apirilak 22, jokatuko da Karateko Liga Nazionala Bilbon (La Casilla) eta beste 750 karatekekin batera izango dira Eneko Calvo, Alex Benitez eta Joanna Perez, hirurak Aretxabaleta Kirol Elkarteko jokalariak.

Karateko Liga Nazionalean izango dira UDAko hiru kirolari
Benitez, Perez eta Calvo. Argazkia: UDA. | Ikusi handiago | Argazki originala
Euskal Federazioak eta Espainiakoak antolatutako txapelketa da eta kadeteak, juniorrak eta 21 urtez azpikoak elkartuko dira La Casillan. Kata eta kumite modalitateetan jardungo dute nor baino nor gehiago eta kirolarien artean hiru aretxabaletar izango dira Odei Vazquez entrenatzailearen aginduetara: Eneko Calvo eta Alex Benitez (76 kiloz azpikoen artean) eta Joanna Perez (54 kiloz azpikoetan).
 
Kategoria eta modalitate bakoitzeko zortzi onenak sailkatuko dira finalerako. Eta Bilboko hori puntuagarria izango da Espainiako, Europako eta Munduko txapelketetarako.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa