Partidu parekatua izan zen. "Aurkari gogorrak ziren, eta batez ere atzelariak oso ondo jokatu zuen. Gure bikotea, baina, oso motibatuta kantxaratu zen eta ez zuen atzera egin", jakinarazi du Jon Etxeberria entrenatzaileak. Eskoriatzako pilotalekuko harmailak bete egin ziren egubakoitz iluntzean, eta giro bikaina sortu zen.
Debarroko txapelketa hasita
Garaipena oso garrantzitsua izan da mutikoei ilusioa pizteko eta aurrera begira lanean jarraitzeko. Debarroko txapelketan dihardute orain eta astean bertan jokatuko dute partidu bat Iturrigorri pilotalekuan. Lehenengo partidua galdu egin zuten arrasatearren aurka.
