Ez zen udalbatza osoa batu astelehenean. PSE-EEko Mari Carmen Atxutegi, Aralarreko Xabier Sarasua eta EAJko Galo Sanchez eta Jesus Mari Herrasti ez ziren egon. Hirigintzako hiru gai izan zituzten aztergai batutakoek. Batetik Errotetxe baserri ostean egin behar duten Industrialdearen hasierako onarpena egin zuten: zelakoa izango den Industrialdea, zer gertatuko den pasealekuarekin azaldu zituzten. Horrekin lotuta udalak Errotetxe inguruan dituen bi lur sail Bihargintza S.A.ri ematea adostu zuten.
Bestetik, errekaren beste aldean egingo diren hasierako onarpena egin zuten; horrela alegazioak aurkezteko epea zabaldu dute. Jasotako iradokizunei erantzuna emango dietela aipatu zuten.
Bukatzeko, mozio bi aurkeztu zituen Aralar alderdiak: lehenengoak gay eta lesbianek umeak adoptatzeko duten eskubidea aipatzen zuen eta bigarrenak Andoaingo Kultur Parkean izandako atxiloketak gaitzetsi. PPko Silvia Camporro zinegotzia izan ezik gainerakoak alde agertu ziren, eta onartu egin zituzten.