Maiatzaren 7an izango da lehenengo ikastaroa eta Garbiñe Larreak Emakumearen zikloak eta osasun hormonala izeneko saioa eskainiko du. Maiatzaren 8an, berriz, Izpiliku kosmetika naturalaren txanda izango da eta txanpu solidoa egiten ikasiko dute bertaratzen direnek. Azkenik, maiatzaren 9an, DAI etxeko konbutxieren eskutik, konbutxa eta kefir ura egiteko ikastaroa egingo da.
Saio guztiak 17:00etan izango dira Jubilatuen elkartean eta bi orduko iraupena izango dute eta egindako lanak etxera eramango dituzte.
Izen-ematea eta prezioa
Plaza mugatuak direnez, beharrezkoa da izena ematea 665 70 21 92 zenbakian. Halaber, ikastaro bakoitzeko 10 euro ordaindu beharko da egunean bertan.
