goiena.eus

Ipuin lehiaketako sari banaketa gaur, antzerkiarekin lagundurik

  Kultura  Aramaio

Zirtaka taldearen 'Zu eta ni sudurluze bi' izeneko antzerkiak emango dio hasiera gaurko ekitaldiari, 18:00etan, kultura etxean.

Zu eta ni sudurluze bi antzerkiarekin hasiko da gaurko emanaldia, 18:00etan, kultura etxean. Antzerkia bukatzean, Txirritola Euskara elkarteak antolatutako ipuin lehiaketako sari banaketa izango da. Aurtengo edizioan, 62 ipuin aurkeztu dira, guztira, sei mailatan banatuta. Maila bakoitzean, lehenengo eta bigarren saria egongo da. Bihar emango dira aditzera sari horiek zeinentzat izango diren, epaimahai talde batek hala erabakita. Talde hori Irene Txurrukak, Elena Zubizarretak eta Ainhoa Bikuñak osatu dute.

Kanpaina

Horrez gain, Txirritolak irakurzaletasuna bultzatzeko martxan izan duen Begixekin leiru bihotzaz gozatu kanpainaren baitan parte hartu dutenen artean ere sariak banatuko dira. Kanpaina hori lehen aldiz jarri du martxan elkarteak, liburutegiaren laguntzarekin, euskaraz irakurtzeko helburuarekin. 40 pertsona inguruk hartu dute parte.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa