goiena.eus

Flamenkoaren erritmora ere, tipi-tapa

 Aramaio

Aurten Korrika ez da Aramaiotik pasatuko baina argi dago aramaioarrek oso modu berezian bizi dutela euskararen aldeko lasterketa. Atzo Korrika Jaialdia egin zuten kiroldegian, herri osoaren babesarekin eta inplikazioarekin. Kiroldegiko harmailak lepo bete ziren.

Flamenkoaren erritmora ere, tipi-tapa
Aurten nobedade moduan, herriko flamenko dantzariek ere hartu dute parte Korrika Jaialdian. | Ikusi handiago | Argazki originala

Alaia, Bizente Goikoetxea eta Papargorri abesbatzak, trikitilariak, dantzariak, zuzeneko musika... Aipatu beharra dago aurten berrikuntza moduan herriko flamenko dantzarien taldeak hartu zuela parte jaialdian; Aramaion bizi den flamenko irakasle batek klaseak ematen ditu eta taldetxoa sortu da.

Agirre eta Igoa, final handiaren aurretik

Denetarik izan zen atzoko jaialdian. Eta Aramaio izanda, nola ez, ez zen bertsorik falta izan; gaur, apirilak 1, Arabako Bertsolari Txapelketako finalean parte hartuko dute Manex Agirre eta Xabi Igoa igo ziren oholtzara.

Bi dokumental domekan

Korrikaren bueltan antolatutako ekitaldiekin jarraituz, bihar, apirilak 2, Korrikaren dokumentala ikusi ahalko da Kultura etxean, 18:30ean. Ondoren, 19:00ak aldera, Jon Maiaren Gutik Zura dokumentala ere ikusi ahalko da.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa