Logoa

Trenaren gaineko erakusketarako herriaren parte hartzea eskatzen da

 Antzuola Antzuolako trenaren eta trenbidearen gaineko erakusketa zabalduko da maiatzean, eta Udalak dei egiten die herritar guztioi, horrekin lotutako materiala badute, horren berri emateko.

Mañarieta izena jarri diote kale berriari

 Antzuola Aurreko egubakoitzeko osoko bilkuran udalbatzak erabaki zuen Zurrategi ondoko etxe berriei Mañarieta izena jartzea.

Bergarako bidea itxita dagoela eta, Udala kexu

 Antzuola Bergarako bidea itxita dagoela eta, Diputazioari idatzi bat bidali dio Antzuolako Udalak. Bide horren egoeraren gaineko informaziorik ez duela jasotzen salatu du Udalak, eta errepidea lehenbailehen zabaltzeko eskatu dio.

Haur Liburuaren Eguna ospatuko dute egubakoitzean

 Antzuola Egubakoitzean, hilak 2, Haur Liburuaren Eguna ospatuko dute Udal Liburutegian.

Sute txikia Antzuolako baserri batean

 Antzuola Sute txiki bat gertatu da gaur arratsaldean Antzuolako baserri batean, Arreluzaundin, hain zuzen. Ez da ezer larria izan, baina, hala ere, suhiltzaileen beharra izan dute sua itzaltzeko.

Merkataritzan euskara bultzatzeko kanpaina jarri du abian Idolazek

 Antzuola Egunotan herriko denda eta komertzioetan txarteltxo batzuk banatuko dituzte Idolaz euskara elkarteko kideek. Horrela, kanpaina bat abian jarri nahi dute, komertzioetan ere euskararen erabilera bultzatzeko. Hemen be euskeraz ein zeinke izango da leloa.

Independentzia Eguna ospatu zuten joan den zapatuan antzuolarrek

 Antzuola Bergararengandik banatu zireneko eguna ospatu zuten. Duela zazpi urte ekin zioten jai hau egiteari. Hainbat ekitaldi egin zituzten eguna ospatzeko; besteak beste, herri bazkaria eta herri-kirolak.

Bost proiektu aurkeztu dituzte Jaurlaritzaren Izartu programarako

 Antzuola Martxoaren 22an, astelehena, bukatzen zen Eusko Jaurlaritzaren Izartu programarako proiektuak aurkezteko epea. Hilaren 17an egin zuten osoko bilkura, proiektu horiek onartzeko. Aste Santua aurretik, proiektu horiek jendaurrean aurkeztuko dituzte.

Karmen Irizar Valladolidera eraman dute

 Antzuola Karmen Irizar Antzuolako presoa Martuteneko espetxetik Valladolidekora eraman dute. Astelehenean atera zuten Martutenetik, eta Langraitzeko espetxean gaua pasatu eta gero trasladatu zuten Valladolidera.

Uzarragarako igoera datorren domekan

 Antzuola Uzarragarako txirrindularitza igoera jokatuko da datorren domekan, martxoaren 21ean. Gazte mailako 200 txirrindularitik gora izango dira parte hartzen. Aurten, gainera, Euskal Herriko txirrindulari ligak antolatu du lehen aldiz.

Angel Berruetaren eta Kontxi Sanchizen hilketak salatzeko lanuzteak

 Antzuola LAB sindikatuak deituta, lanuzteak egin dira gaur Euskal Herri osoan Angel Berruetaren eta Kontxi Sanchizen hilketak salatzeko. Lantegien aurrean 12:00etan 15 minutuko lanuzteak egin dituzte langileek. Antzuolako hainbat lantegitan ere egin dituzte lanuzteak. Elay-n, adibidez, 30 bat pertsonak egin dute elkarretaratzea.

EAJ-k 402, Bergarako Ekimenak 288 eta PSE-EE-k 181 boto lortu dituzte

 Antzuola Arratsaldeko 20:00etan itxi dituzte hauteslekuko ateak eta ordubetean kontatu dituzte boto guztiak. 1.647 antzuolarrek zuten botoa emateko aukera eta 1.308k eman dute. Bergarako Ekimenaren aldeko botoak ere kontatu dituzte. Hona hemen alderdi bakoitzak jaso dituen botoak.

Ertzaintzak kontzentrazioa galarazi du

 Antzuola Eguerdiko 12:00etan Angel Berruetaren hilketa salatzeko elkarretaratzea deituta zegoen. Ertzaintzako bi furgoneta agertu dira lekuan eta kontzentrazioa egin behar zutenei ez diete utzi pankarta zabaltzen. Han egon dira ordu laurdenez, pankarta zabaldu gabe. AGAko kide batzuk ere identifikatu dituzte ertzainek. Gainontzean, normaltasuna izan da nagusi hauteslekuetan.

Madrileko atentatua gaitzesteko elkarretaratzea arratsaldean plazan

 Antzuola Juan Jose Ibarretxe Lehendakariak egindako deiari erantzunez, Madrileko atentatua gaitzesteko elkarretaratzea egingo da gaur, eguena, Antzuolako herriko plazan, 20:00etan.

Diru eskean dabiltza herrian eta iruzur itxura du

 Antzuola Gure medioa jarraitzen duen batek jakinarazi digu hauxe: etxez etxe dabiltza Antzuolan Bosniar batzuk. Esaten dute ziurtagiri bat dutela Eskoriatzako Udalak emana eta hori erakutsiaz egiten dute eskaera. contributors:

Amnesty Internationalen erakusketa asteburuan

 Antzuola Anelkar Antzuolako Elkartasun Taldeak antolatuta, Amnesty International erakundearen argazki erakusketa zabalduko dute oraingo asteburuan, Olaran etxeko aretoan. Giza eskubideak, emakumeen eskubidea du izena argazki erakusketa horrek, eta emakumea du oinarri. Datorren asteko asteburuan ere ikusgai egongo da.

Berriro ere argindar barik

 Antzuola Gaur, astelehena, 09:30 aldera, berriro geratu dira argindar barik antzuolarrak. Zapatua eta domeka bitartean, 28 bat orduz argindar barik egon eta gero, berriro daude egoera berean.

Olalde elkarteak 25. urteurrena ospatu zuen

 Antzuola Egun berezia izan zen zapatukoa Antzuolako Olalde Euskal Kirolak elkarteko bazkideendako, elkartearen 25. urteurrena ospatu zuten-eta.

Argirik gabe domeka egun guztian

 Antzuola Zapatu iluntzean argia joan zen Antzuolan, 20:30ak aldera. Domekan, 22:15etan, oraindik argi gabe zeuden herritarrak. Iberdrolak ez du azalpenik eman.

Gertu Gae-k Udalaren proiektuak kritikatu ditu

 Antzuola Gertu Gae plataformako kideek Udalak aurkeztu berri dituen proiektuen gainean hainbat azalpen eman dituzte. Udalaren proiektu horien egoeraren berri emateaz gain, horietako hainbat proiektu eta Udalaren jarrera kritikatu dituzte.

Gida komertziala

Gida komertzialeko produktuak

Prestamo eta hipotekak
Ilerako produktuak S4U
Jakak
Menu Bereziak
Plater konbinatuak
Mandarinak