Elkarretaratze horrekin jakitera eman gura diete "zentral eolikoaren gainean erabakiak hartzeko ardura" dutenei kezkatuta daudela: "Kezkaz bizi dugula prozesua eta, nahiz eta haiek isilik egon, gu kontziente garela Irimo mendiaren etorkizuna jokoan dugula esan gura dugu".
Era berean, Arantxa Tapia jarduneko sailburua gonbidatu nahi dute Irimora: "Gurekin batera, ikus dezan egin nahi duten zentral eolikoak inguruneari lekarkiokeen txikizioa".
Herritarrak gonbidatu dituzte deialdiarekin bat egin eta elkarretaratzean parte hartzera.
