Koloretsua eta erritmo biziko kontzertua izango da. Zeharkako flautaren familia osoaz –Sol-en dagoen flautaz, flauta baxuaz, eta flauta kontrabaxuaz– gozatzeko aukera izango da-eta zapatuan, 20:00etan Torresoroan. Lan klasikoez gain gaur egungo piezak ere eskainiko dituzte. 15 lagunek osatzen dute Euskal Herriko Flauta Orkestra. Tartean, Orkestran 12 urte daramatzan Alaitz Zabalo antzuolarra dago. Zuzenekoan Franz Doppler flauta-jotzaile handiaren obra joko du solista gisa, gainera.
35 urte ditu eta Bilbon bizi da Zabalo. "Herrian kontzertua emateak urduritasun pixka bat ematen dit; betiko lagunak, familia... bertan izango dira eta ilusio handia daukat", azaldu digu gazte antzuolarrak.
Askotariko erritmoak
Bost obra joko dituzte emanaldian. Horietatik hiru obratan solistak hartuko dutela parte kontatu digu Zabalok.
Musika barrokoa, Mozzart-en Flauta magikoa obra ezaguna, Doppler-en doinu hungariarrak eta Lorkari omenaldia egingo zaion doinua entzuteko aukera izango da. Askotariko erritmoak
Flauten Aratustea
Kontzertuaren bukaeran gainera, Salvador Espasa zuzendariak idatzitako obra batek borobilduko du emanaldia. "Musika garaikidea duen lana joko dugu Carnaval de flautas izenekoa. Erritmo eta armonia ezberdinak batzen dituzten piezak dira eta flautaren familia osoak hartzen du parte", azaldu digu Zabalok.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
