Barruan zaudela horretaz konturatzen zarenean, hasierako danbatekoa izugarria da. Iritsi zaren mundu berri batean tratu txarrak, jazarpena eta mehatxuak gai-zerrendan daude. Baina zu, esan bezala, iritsi berria zara, katearen azken katebegia. Azkena zarenean, botako zaituzten beldurrez, isilik mantentzen zara, zure atzetik datozenak abisatuz, eta konplize izanda ohera joanez gauero.
Hala ere, danbatekoa handiagoa da pertsona horien fama ezaguna dela ikustean edota batzuetan barre artean ere "asko gustatzen zaio lankideengana hurbiltzea, gehienbat gazteengana" eta horrelakoekin jarrera justifikatzen zaiela ikustean. Albisteetan atera berri da aktore askok beraien zuzendariekin lan egiteari uko egin diotela salaketak medio. Me toomugimendu berri bat omen dator arteetara. Behintzat, horrela, azken katebegi izanda ere, konplize izateari utziko diogu. Bazen garaia karta-gaztelua behera erortzeko. Erortzear zeundeten.
