Fagor Industrialek zentro logistiko berria ireki du Oñatin

 Oñati Fagor Industrialek 8.000 metro koadroko zentro logistikoa inauguratu zuen barikuan Oñatiko Migelena auzoan. Pabilioi berriak hartuko du egosketa, labe eta baxera garbiketa gametako bukatutako produktua.

Astotrastori ongietorriarekin hasiko dira Trianako jaiak

 Oñati Astotrastoari ongietorria egingo diote gaur, egubakoitza, Triana auzoan. Zerutik jaitsiko da 19:00etan, eta horrela hasiko dira Trianako jaiak. Asteburu osoan izango dira.

Ibarretxek XIII. Enpresa Partehartzaileen Nazioarteko Kongresua inauguratu du

 Oñati Bertan, izan dira besteak beste MCCko lehendakari Jesus Catania eta MUko errektorea Inaxio Oliveri. Kongresuan mundu osoko 200 lagun inguruk esku hartuko dute. Atzo, uztailak 12an hasi ziren jardunaldiak eta uztailaren 15ean amaituko dira.

Mikel Aozaraza ikastetxean ingelesa ikasteko udalekuak antolatu dituzte

 Oñati 4tik 10 urte bitarteko umeei zuzenduta daude udalekuak. Bertan, 30-40 ume inguru bildu dira.

Pertsona bat zauritu da eguerdian gertatutako istripuan

 Oñati Ertzaintzaren arabera, bi autok talka egin dute eta ondorioz, pertsona bat Debagoieneko Ospitalera eraman dute. Elorregitik Oñatirako noranzkoan gertatu da ezbeharra 12:30ak aldera. Renault Express eta Ford markako bi autok elkar jo dute. Dagoeneko, garabiak bi autoak erretiratu ditu errepidetik eta ez dago auto ilararik.

Xabin Egaña artistaren atzera begirako erakusketa eskatu dute

 Oñati

Xabin Egaña oñatiar artista maiatzaren 19an hil zen. Orduz geroztik, haren omenezko hainbat ekintza egin dituzte, eta azkenekoa da 25 artistak Egañaren oroimenez prestatu duten erakusketa. Gasteizko Zuloa aretoan zabaldu dute, eta irailaren 16ra arte dago bisitatzeko modua. Horrez gain, artistek eskaera bat egin diete erakundeei: Xabin Egañaren atzera begirako erakusketa antolatzea, eta haren lana ikertzea eta zabaltzea.

Izen handiko hizlariak Arantzazun

 Oñati Alec Reid apaiz katolikoa, Harold Good apaiz protestantea eta Jose Maria Setien Donostiako gotzain ohia izan dira Arantzazun. Arantzazun egin zuten bake prozesuari buruzko mintegian esku hartu zuten.

Ibarretxek hitzaldia eskaini zuen Lege Soziologia Institutuan

 Oñati Juan Jose Ibarretxe Lehendakaria Oñatin izan ze atzo, uztailak 3. Bake prozesuari buruzko jardunaldien barruan hitzaldi bat eman zuen Lege Soziologia Institutuan. Erabaki eskubidea euskal gizartearena dela azpimarratu zuen bertan.

250 umek hasi dituzte udalekuak

 Oñati Lautik 11 urte bitarteko umeak dira eta eurekin batera 27 begirale ibiliko dira. Igerileku txikiak erosi dituzte aurten.

Ruper Ordorikak diskoa kaleratuko du aurten

 Oñati Ruper Ordorika oñatiarrak kantu berriekin osatutako diskoa kaleratuko du. Lan berria udazkenean edo neguan argitaratuko dute.

Bake prozesuak aztertuko dituzte gaurtik aurrera unibertsitatean

 Oñati Gaur hasi eta hilaren 8ra bitartean, Euskal Herriko Unibertsitatearen Udako Ikastaroen barruan, bake prozesuak izango dituzte aztergai. Lege Soziologia Institutuarekin elkarlanean antolatu dituzte jardunaldiok eta aztertuko dute lege soziologiak giza eskubideen mesedeetan egin ditzakeen ekarpenak.

Kanpotik etorritako herritarrak omenduko dituzte asteburuan

 Oñati Moraleja, Macotera eta Valtierrakoak dira kanpotik etorritako gehienak. Domeka eguerdian, jaki dastatzea eta artisau erakustaldia egingo dute plazan.

Leioako abesbatza batek emanaldia egingo du

 Oñati Leioako San Juan Bautista abesbatzak emanaldia egingo du gaur, egubakoitza. Ganbara abesbatzak antolatu du emanaldia.

Iruñara eta Erromara joateko tokia dago oraindik

 Oñati Iruñako bidaia uztailaren 12an da eta Erromakoa irailean. Oraindik tokia dago eta interesa duenak Pake Lekun eman behar du izena.

Xabier Arregiren bigarren liburua kalean

 Oñati Herria, hiria, nazioa liburua idatzi du Xabier Arregi oñatiarrak. Azken urteotan kontzeptu hauen gainean egon diren hainbat interpretazio gezurtatu nahi izan ditu hainbat filosofo eta teorikoen ikuspegitik. Egun gutxi barru egongo da liburu-dendetan eta uztailaren hasieran egingo da aurkezpena.

Bazkide kuotak igotzea onartu du Aloñako futbol batzordeak

 Oñati

Aloña Mendiko futbol sailak batzar orokorra egin zuen egubakoitzean urteko balantzea egiteko.

Susana Arregi omenduko dute domekan

 Oñati Iluntzeko 19:00etan da omenaldia kanposantuan. Duela 16 urte izan ziren Irunberriko gertaerak.

Oñatiko II. Gaztetxe Eguna ETEOn egingo da

 Oñati Udalak erabakita Oñatiko II. Gaztetxe Eguna ETEOn egingo dute. Uztailaren 1ean, zapatuan, egingo da jaia. Bazkarirako txartelak ekainaren 28ra bitartean izango dira salgai Arrano eta Pako tabernetan. Prezioa 5 euro.

Pake Leku saritu du Diputazioak

 Oñati Boluntario lanagatik, Tomasa Zabaleta-2005 solidarioak saria eman dio Diputazioak. Bihar, eguaztena, jasoko dute saria Santa Anan egingo duten ekitaldian.

Oñatiarren egun handira milaka lagun hurreratu ziren

 Oñati Milaka pertsona batu ziren herrian Gorpuzti ospatzeko. Egun berezi horretan, Oñatikoak diren baina kanpoan bizi diren herritar ugari ere etortzen omen dira euren herrira. Goizetik iluntzera arte izan ziren ekitaldiak, baina prozesioa izan zen jende gehien batu zuena aurten ere.

Gida komertziala

Gida komertzialeko produktuak

gazte oinetakoak
Hormigoizko egiturak
Olandixo
Erreformak
Beharrezko tramitazioa
Bereizgarriak