Mugikortasun mugatua duen Isabel Rebollo izan da joelette aulkian bisita gidatua egin duenetako bat. Duela urte asko egon izan da Arrikrutzeko koba barruan, eta, berriro joatearekin "pozik" agertu da. "Gustura" egin du bisita eta eroso joan dela azpimarratu du.
Boluntarioak ezinbestekoak
Joelette aulkiak eta bestelako materialak Montes Solidarios arabar taldeak jarri ditu, eta horrekin batera, taldeko hainbat boluntario izan dira aulkien garraioan laguntzen.
Bi bisita irisgarri izan dira, eta etorkizunean halako gehiago egiteko asmoa dute Arrikrutzeko kobako arduradunek. Herrian bertan badago horretarako aukera, Trauti elkarteak joelette aulki bat erosi baitzuen iaz.
Euskal Herriko lur azpia ezagutzen, lehenengoz
Ikerne Altubek, Oñatiko Turismo teknikariak adierazi du, guztiontzat bisitak egiteko bidean, aurrerapauso handia dela: "Euskal Herrian, guztiondako bisitak egin nahi ditugu kobetan, normalizatu, eta lehenengo ekitaldia gaur egin dugu. Ohiko bisitak egin ditugu, eta, gure koba barrutik ezagutzeko aukera izan dute".
