Bizkarsoro filma Korrika Kulturalaren programazioan sartu zenetik, lantaldeko kideak herriz herri dabiltza emanaldiak eta solasaldiak egiten. Izaskun Urkijo Alijo (Gasteiz, 1978) arte-zuzendaria da eta Debagoieneko hainbat herritan izan da. Atzo izan zen Elgetan.

Maiatzean jokatuko da Algaraka bakarrizketa lehiaketa. Babesle eta laguntzaile askorekin baina Bergarako Jardun Euskara Elkartea eta Goiena Komunikazio Taldea dira antolatzaileak. Hala, lau saiotik bi Debagoienean jokatuko dira; lehenengo kanporaketa eta finala. Bakarrizketariek izena emateko aukera dute orain, egubakoitzera arte. Algaraka.eus atarian  egin daiteke. Jarduneko Maitane Arizabaleta eta Goienako Oihane Agirre izan dira Hemen Debagoiena saioan.