Eskerrik asko, Eneko; ongi etorri, Larraitz

Erabiltzailearen aurpegia

Enekotik Enekora, lerro hauek idaztea da egin ahal dudan gutxienekoa.

Ez dira garai onak konpromiso politikorako, inkesta guztietan gutxien baloratutako arloa da politikarena, eta horrek are baliotsuagoa egiten du zure konpromisoa. Gobernatzeko taldea ginena oposizioan aurkitu ginen eta horrek ez du zure lana ilundu. Hezkuntzan, gazterian, kirolean eta berdintasunean proposamenak, kexak, iradokizunak eta ekimenak aurkeztu dituzu. Eragile eta norbanakoekin egon zara, betiere, dedikazio osoz. Orain, aldiz, zaintza lanetara buru-belarri sartzea erabaki duzun honetan, fase berria bizitzan. Ez ahaztu, bizitza da handiena. Milesker eginiko lanagatik.

Larraitzi, berriz, ongietorria eta eskertza. Ziur gaude legealdia amaitzeko urtebete falta den honetan ederto etorriko zaigula zure esperientzia eta ezagutza.

Plazera da horrelako pertsonez inguraturik lan egitea.

----------

Eneko Barberena Mondragon

EH Bilduko zinegotzia

Arrasate

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.