Hau izango da GOIENA aldizkarian idatziko dudan azken zutabea. Urteak daramatzat 4-5 astean behin kolaborazio hau idazten Goienarako. Nire artxiboen arabera, 2015etik. Zer kontatzerik edo esaterik ez daukazula nabaritzen duzunean erretiratzea da aukera egokiena, eta ni nabaritzen hasia naiz. Bestalde, Goienari berari eta debagoiendarroi aire freskoa ondo etorriko zaigula konbentzituta nago. Urte hauetan guztietan izan dira erraz-erraz idatzi ditudan zutabeak.
Txanda iritsi eta gaia burura etorri eta jarioz idatzitakoak. Beste batzuetan –azken aldera sarriago–, zeri buruz idatzi pentsatzen ere denbora pasa behar izan dut eta konbentzimendu handirik gabekoak ere bidali izan ditut eguazten batzuetan erredakziora. Beraz, zantzu hauek pilatzen hasita, erreleboa behar dut eta behar dugu.
Eskerrik asko Goienari 1.000 karaktereko aukera hau eskaini izanagatik eta eskerrik asko nire zutabeak irakurri dituzuenoi. Aurrerantzean, neu ere irakurle.
Ondo segi eta bixi bizi.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
