Familia eta lagunekin naturaz gozatu dute Bergaran

  Ingurumena  Bergara

Familia eta lagunekin naturaz gozatu dute Bergaran

Natura Egun dotorea ospatu dute goizean San Martzialen. Zuhaitzak landatu, hamarretakoa egin... primeran pasatu dute ekimenean parte hartu duten guztiek; gehienak familiak seme-alabekin.

Herri onurako mendien inguruko printzipioak onartu ditu Oñatiko udalbatzak

  Ingurumena  Oñati

Herri onurako mendiak, hau da, Udalararenak diren mendiak eta bertako basoak printzipio zehatz batzuen arabera landuko duten ordenazio plan bat jarraituz kudeatuko dira aurrerantzean Oñatin. Printzipio horiek onartzea erabaki zuen udalbatzak aho batez egindako azken osoko bilkuran, eta orain, mendi bakoitzaren inguruko plangintza landu beharko dute.

Zuhaitzaren Eguna domeka honetan izango da

  Ingurumena  Aretxabaleta

Urkiak, haritzak, ezkiak, sahatsak, lizarrak, pago lizarrak, arteak eta gorostiak. Horiexek landatuko dituzte aurtengo Zuhaitzaren Egunean Aretxabaletan.

100 zuhaitz landatu dituzte Arrasaten

  Ingurumena  Arrasate

100 zuhaitz landatu dituzte Arrasaten

Zuhaitz Eguna ospatu dute urtero bezala, Arrasateko 6. mailako ikasleek. Bai herri eskolako neska-mutikoak eta baita Arizmendi ikastolako gune desberdinetakoak ere, Markulete inguruan izan dira gaur goizean zuhaitzak landatzen. Altzak, erramuak eta zipres edo altzifre mota bateko zuhaitzak landatu dituzte erreka bazterrean; guztira, 100 zuhaitz inguru.

Zuhaitz Eguna Arrasate 2013

  Ingurumena  Arrasate

.

»» Ikusi argazki guztiak (17)

Lluis Verdaguer, Bartzelonako Taradell herriko alkatea (CIU): "Edukiontzien sistemarekin ezin zaitezke iritsi hiri hondakin guztien %80 birziklatzera"

  Ingurumena  Bergara

Lluis Verdaguer, Bartzelonako Taradell herriko alkatea (CIU): "Edukiontzien sistemarekin ezin zaitezke iritsi hiri hondakin guztien %80 birziklatzera"

Lluis Verdaguer Taradelleko (Bartzelona) alkatea eta La Planako Mankomunitateko presidentea da. Bergaran izan berri da, hiri hondakinen gainean eta, batez ere, hondakinok batzeko euren herrian ezarrita duten atez atekoaren gainean berba egiteko. CIU alderdiko alkatea da eta 2007 urtetik daroa karguan.

Hondakinak kudeatzeko Gipuzkoako Foru Aldundiaren eredua "goraipatu" du Europak

  Ingurumena

Iñaki Errazkin Ingurumeneko diputatuak Bruselan hitz egin du gaur –eguena– goizean, Europako Parlamentuaren 'Ez bazaude Zero Zaborraren alde, zenbat zaborraren alde zaude?' izeneko mintegian. Esperientzia hau “garrantzitsua” dela eta “ikasteko” balio dezakeela esan du Janez Potocnik Ingurumeneko komisarioak, Aldunditik berri eman dutenez.

Galduta edo arrisku egoeran dauden pertsonak aurkitzeko WhatsApp bidezko sistema abian

  Ingurumena  Debagoiena

Galduta edo arrisku egoeran dauden pertsonak aurkitzeko WhatsApp bidezko sistema abian

Eusko Jaurlaritzako Segurtasun Sailak galdu edo arrisku egoeran egon daitezkeen pertsonak topatzeko WhatsApp bidezko sistema jarri du martxan. Lehen proba pasa den astean egin zuten Orduñan (Bizkaia) eta arrakastatsua izan zen.

Dena prest Arrasateko Zuhaitz Egunerako

  Ingurumena  Arrasate

Dena prest Arrasateko Zuhaitz Egunerako

Bihar eta etzi –egubakoitz eta zapatua– izango dira Zuhaitz Egunak Arrasaten. Orain arte egun bakarrean ospatzen zen, baina aurten "herritar guztiei parte hartzeko aukera zabaltzea" erabaki du Udalak. Hasiera baten martxoaren 1 eta 2rako zegoen antolatuta, baina elurraren eraginez landare-mintegiek landarez hornitzeko trabak izan zituzten, eta astebetez atzeratu ostean, oraingoan egingo da azkenean.

Bergarako EAJ: "Bilduren herri partaidetza iruzurra da"

  Ingurumena  Bergara

Jeltzaleen esanetan, Udal gobernua ematen ari den informazioa "gezurrezkoa" eta "manipulatzailea" da, eta "onartezina erabat" herri administrazio batean. Izan ere, jeltzaleen hitzetan, "Udal gobernuak jadanik hartuta du erabakia, baina erabaki hori ezkutatu nahian dabil, hondakin bilketa sistema bergararrek erabakiko dutela sinestaraziz". Albiste barruan duzue prentsa oharra osorik.

Bergaran hiri hondakinen bilketa moduak zehazteko parte-hartze saioak abian

  Ingurumena  Bergara

Bergaran hiri hondakinen bilketa moduak zehazteko parte-hartze saioak abian

Atzo, martitzena, egin zuten lehen bilera. Errefusa eta organikoa atez ate batuko direla erabakita dago, baina paperaren eta ontzi arinen bilketa nola egin herritarrek erabakiko dute, atzo hasitako saio horietan.

2012an jasotako hondakinen datuak aurkeztuko dituzte jendaurrean

  Ingurumena  Antzuola

2012an jasotako hondakinen datuak aurkeztuko dituzte jendaurrean

Iaz egin zen bezala, aurten ere urteko datuei buruzko aurkezpena egingo dute Antzuolako Udalak eta Hondakinen Jarraipen Batzordeak, 2012ko hondakinen gaineko datuak aurkeztuko dituzte, martxoaren 12an, martitzenean, 18:30ean, Olaranne. Batzordeak dio, datuak "oso positiboak" direla: "Jasotako hondakinen %86 birziklagarria zen, %14 besterik ez zen izan errefusa. 2010eko datuekin alderatuta, aldaketa izugarria izan da: urte hartan, %75 zen errefusa, hau da, zabortegira eraman behar izan zena", gaineratu digute.

Foru Aldundiak 940.000 euro bideratuko ditu hondakinak birziklatu eta prebentzioa sustatzera

  Ingurumena  Debagoiena

Diputatuen Kontseiluak hiri hondakinak birziklatzeko proiektuentzako diru-laguntzak onartu ditu gaur, martitzena: 450.000 euro, guztira. Mankomunitate eta udalerriek eska ditzakete diru-laguntzok. Helburua da "udalerri eta mankomunitate horiek sistema hori hobetzea eta birziklapen tasetan aurrera egitea". 490.000 euroko beste diru-laguntza ildo bat ere onartu dute gaurko saioan.

Arrasate Garbik uste du Udal Gobernuaren inkesta "alderdikoia" dela

  Ingurumena  Arrasate

Arrasate Garbik uste du Udal Gobernuaren inkesta "alderdikoia" dela

Hiri hondakinak atez ate biltzearen aurka dagoen Arrasate Garbi plataformak Udalak otsailean zehar arrasatearren etxeetara bidali zuen galdetegia kritikatu du: "Udalak herritar guztiok tontotzat hartu gaitu edo gure kolkotik barre egin nahi du halako inkesta bidalita. Nola interpretatzen da?", galdegin dute, besteak beste. Udal Gobernuak, berriz, ez die Arrasate Garbiren akusazioei erantzun gura izan. Diotenez, hondakinen gainean herritarrekin zuzenean berba egin nahi dute; "eta ez komunikabideen bitartez". Hala, Udalak gogoratu du Gazte Bulegoa informaziorako puntua dela eguaztenero, 18:30etik 20:00etara. Era berean, gogorarazi dute galdetegiak betetzeko azken eguna martxoaren 22a dela. Albiste barruan, Arrasate Garbiren oharra osorik.