Mugikortasuneko, Turismoko eta Lurralde Antolaketako diputatua den Azahara Dominguezek Dorleta Elkorobarrutia Leintz Gatzagako alkatearen eskaerari erantzun dio eta Lurraldebuseko zerbitzua herritarren beharretara egokituko du. Hau da, DG21 linearen irteera guztiak bost minutu aurreratuko dira (Leintz Gatzaga>Eskoriatza>Arrasate), beste linea eta garraiobide batzuk hartu behar izaten dituen jendeari erraztasunak emateko.

Gazte Eguna ospatuko dute zapatuan Eskoriatzan, Itzartu Gazte Asanbladak antolatuta. Jaiaren bigarren edizioa da, eta egun osoko programa antolatu dute; taldea eratu zenean ezarritako balioak transmititzeko eta ondo pasatzeko eguna izango da, besteak beste.