Agur esan zioten barikuan ludotekari

 Leintz Gatzaga Udan atseden hartzeko, ateak itxi zituen egubakoitzean Leintz Gatzagako ludotekak. Hala, neska-mutikoei agur esateko jaia antolatu zuten San Migel plazan.

Sardinak eta saiheskia San Juan bezpera ospatzeko

 Leintz Gatzaga Azken urteotako ohiturari jarraituz sardinak, saiheskia eta hirugiharra gertatuko dituzte pilotalekuan, 20:00ak inguruan, eta 22:00etan sua piztuko dute.

Autobus batek su hartu du Arlabanen

 Leintz Gatzaga Euskotren enpresako autobus batek su hartu du Arlaban gainean 13:45ean. Herrizaingo sailetik adierazi dutenez, autobusa kixkalduta gelditu da, matxura baten eraginez, su hartu ostean. Hala ere, errepidetik kanpora dago, beraz autoen joan etorrian trabarik ez du egiten. Bestalde, ezbehar horretan inor ez da zauritu.

Pintxo eta kazolita ikastaroa ekainaren 19an hasita

 Leintz Gatzaga Astelehen eta eguaztenetan emango dituzte eskolak uztailaren 12a bitartean, eta Donostiatik etorriko dira sukaldariak pintxoak eta kazolitak zela egin erakustera. Labidean eman behar da izena.

Ekainaren 12an hasiko da autobus zerbitzua herritik pasatzen

 Leintz Gatzaga Martitzenean baieztatu zioten Foru Aldundiko arduradunek Joxerra Perez alkateari berria: autobusa ekainaren 12an hasiko da pasatzen Gatzagatik. Goizean bi pasatuko dira eta arratsaldean, beste bi, astelehenetik egubakoitzera bitartean. Eta asteburuetakoa lortzeko eztabaidan jarraitu beharko dutela adierazi zuen alkateak.

Udaleku irekiak gertatzen hasi da Gurel, Txatxilipurdirekin

 Leintz Gatzaga Laster hartuko dituzte oporrak herriko ume eta gaztetxoek, eta Gurel elkarteko kideek udarako ekitaldiak gertatu gura dizkiete. Aurten, Arrasateko Txatxilipurdi elkartearekin egingo dute lan; orain, bi elkarteen proposamenak bateratzea izango da kontua.

Hamar gelako ostatua egingo dute Soran etxean Gaztainuzketako jabeek

 Leintz Gatzaga Udalak 73.000 euroren truke saldu die; orain, goitik behera eraberritu behar dute jauregia. Santiago kalean dagoen jauregiari "Indianokoa" esaten diote herrian, eta XVIII. mendekoa da.

"Badator autobusa" aldarrikatu gura du Garraio batzordeak

 Leintz Gatzaga Aldundiak garraioaren gainean emandako azken berriak pozik hartu ditu Garraio batzordeak. Autobusa gero eta hurrago ikusten du, eta horren alde jarraituko du lanean.

Soran jauregia salduko du Udalak

 Leintz Gatzaga Lehiaketa bidez salduko du Udalak Soran jauregia edo Indianokoa. Oso egoera txarrean dago eta erosleak goitik behera zaharberritu beharko du. Eskaerak egiteko epea apiril bukaera arte dago.

Aldundiak emandako erantzuna jaso dute Garraio batzordekoek

 Leintz Gatzaga Taxi-busa abian egon arren beste proposamen baten zain dago batzordea.

Lorategiak garbitzeko deia zapaturako

 Leintz Gatzaga Udaberriari ongietorria antolatu du Gurel guraso elkarteak eta herriko lorategi, berdegune eta lore-ontziak txukunduko dituzte itxura dotoreagoa emateko herriari. Zapatuan, martxoak 25, guraso eta umeek elkarlanean jardungo dute berdeguneak garbitzen.

Pilar kalean dauden hiru etxebizitza salduko ditu Udalak

 Leintz Gatzaga Bik 37 metro koadro dituzte eta 49 hirugarrenak. Gatzagako bizilagunek lehentasuna izango dute lehiaketan.

Zuhaitz Eguna, udaberriari ongietorria eta mendi irteera egitea erabaki du Gurelek

 Leintz Gatzaga Azken urteotan eskiatzera joan badira ere, udaberrian aurten mendi aldera egingo dute irteera. Apirilaren 1ean izango da, eta Urbasa, Opakua edo Gorbeia dira hautagaiak.

Bazkaria Emakumearen Eguna aldarrikatzeko

 Leintz Gatzaga Gatzagako Sorginak emakume taldeak bazkaria egingo du otsailaren 11n, Gure Ametsan, Emakumearen Nazioarteko Eguna ospatzeko.

Hotza nagusi baina umeak pozik mozorrotuta

 Leintz Gatzaga Zapatuan, otsailak 25, ospatu zituzten Inauteriak Gatzagan. Hotza izan zen nagusi, baina mozorroa jantzi aldean eta gustura jardun zuten jolasean umeek. Herri afarirako nagusiak ere mozorrotu ziren eta aparteko giroa izan zuten.

Badatoz Inauteriak!

 Leintz Gatzaga Bihar, zapatua, ospatuko dituzte gatzagarrek Inauteriak. Jantzi mozorroa aldean eta hotzari aurre eginez jai giroa izango dute nagusi.

Dorletako Ama txirrindulari eskolaren aurkezpena

 Leintz Gatzaga Leintz Gatzagako txirrindulari eskolak zapatu goizean egin zuen 2006. denboraldiko taldeen aurkezpena. 36 txirrindulari arituko dira lau taldetan banaturik.

Argindarra moztuko dute otsailaren 19an, 08:00etatik 10:00etara

 Leintz Gatzaga Iberdrolak jakinarazi dio Udalari argindarra moztuko duela domeka goizean Gatzagan. 08:00etatik 10:00etara bitartean izango da.

Auto ilarak istripuaren ondorioz

 Leintz Gatzaga Azken Ordua(18:05): Une honetan errepideak garbi daude eta ez dago auto ilararik.

Idatzia egingo du Garraio batzordeak Aldundiari emateko

 Leintz Gatzaga Joan zen asteko osoko bilkuran esan zioten ezetza garraio zerbitzuari herritarrek, eta orain, idatzi baten bitartez Aldundiari jakinaraziko diote; herritarren sinadurak ere jasoko dituzte.

Gida komertziala

Gure Ametsa

Gure Ametsa Gatzaga
20530 Leintz Gatzaga
Tel.: 943714952
http://www.gureametsa.es

Gida komertzialeko produktuak