Logoa

Aurora borealei buruzko erakusketa

 Eskoriatza Azaroaren 4an, eguena, Aurora 2001 erakusketa irekiko dute kultura etxean. Inaugurazio hitzaldi batekin irekiko dute; Jon Teus espedizioko kideak emango du. Hilaren 14ra arte egongo da zabalik erakusketa.

Ume eta helduendako euskal jolas ikastaroak antolatu dituzte

 Eskoriatza Euskarazko jolasen gaineko bi ikastaro antolatu ditu Eskoriatzako Udalak. Bata lehenengo aldiz antolatzen dute, eta guraso eta seme-alabek batera egitekoa da. Bestea helduei zuzenduta dago, eta 5 urte arteko umeen jolas eta abestien gainekoa da.

Askatasunaren prentsaurrekoa Eskoriatzan

 Eskoriatza Askatasunak prentsaurrekoa eskaini zuen astelehenean, urriak 18, Eskoriatzan. "Ertzaintzak bereziki gure eskualdean izan duen jarrera bortitza salatu" gura izan zuten horrela.

Perretxikozaletasuna sasoi-sasoian hartu dute eskoriatzarrek

 Eskoriatza Luis Ezeiza ikastetxeko umeek ondo baino hobeto pasatu zuten perretxikoak hartzen. Zapatu arratsaldean egin zuten perretxikoen sailkapena. Domekan, erakustaldi bikaina osatu zuten.

40 kilometro mendiko bizikletarekin

 Eskoriatza Oñatiko eta Gatzagako ibilaldietan gozatu eta gero, ibarreko mendiko bizikletako zaleek galdu ezin duten hitzordua daukaten domekan, Eskoriatzako zeharkaldia, hain zuzen. 09:30ean hasiko dute proba, Herriko Plazan.

Perretxikoak nagusi asteburuan

 Eskoriatza Perretxikoak izango dira protagonista Eskoriatzan urriaren 16 eta 17an. Mikologiari buruzko jardunaldiak antolatu ditu Luis Ezeiza guraso elkarteak egun horietarako: mendi irteera, hitzaldiak, erakusketa…

Errorea

 Eskoriatza Errore baten ondorioz, Aretxabaletako atalean argitaratu beharreko albiste hau Eskoriatzan argitaratu da.

‘Eskoriatzako Herria’ Ikerketa Beka

 Eskoriatza Herriko argazki zaharrak oinarri hartuta, beka kaleratu du Eskoriatzako Udalak. Argazki zaharrak eskuratu, katalogatu eta digitalizatzeko beka da; 2800 euroko diru-laguntza emango dira lanak egiteko.

Ezohiko osoko bilkuran onartutakoak

 Eskoriatza Atzoko ezohiko osoko bilkuran onartutako mozioan, egunotako mobilizazioen aurrean Udalaren jarrera adierazi zuten. Bestalde, iluntzeko bilkuran, ez zen istilurik gertatu. Zortzi aldeko botorekin onartu zen mozioa. Aldeko botoak: EAko hiruk, EAJko bik eta EBko bik eta Elizateetako ordezkariak. Ez ziren mozioan egon PSEE-EEko bi zinegotzi eta EAJko bat.

Presazko osoko bilkura gaur, martitzena

 Eskoriatza Marixol Iparragirreren atxiloketa salatzeko agerraldia egin zuten domekan Eskoriatzan eta atzo, atxilotuen eta Marixolen semearen egoeraren berri izateko informazio-bilkura egin zuten. Bietan, Ertzaintza agertu eta istiluak izan ziren. Hori salatzeko, urgentziazko bilkura egingo dute gaur Udaletxeko Osoko Bilkuren Aretoan, 18:00etan.

'Anboto’-ren atxiloketa salatu zuten

 Eskoriatza Domekan atxilotu zuten Soledad Iparragirre Biarnon, Mikel Albisu Mikel Antza-rekin batera. Eskoriatzako alabaren atxiloketaren berri emateko batzar informatiboa eta manifestazioa egiteko deia egin zuten eskoriatzarrek, domekan, arratsaldean.

Eskoriatzako aisialdiaren zerbitzu gida kalean

 Eskoriatza Aisialdian zer egin erabakitzen laguntzeko gida kaleratu du Eskoriatzako Udalak. Eskoriatzarrei eta herrira lanera edo ikastera datozenei zuzendutako produktua.

Eskoriatzako Biblioteka, Euskadiko Liburutegi Sistema Nazionalean

 Eskoriatza Eskoriatzako Udal Bibliotekan hainbat aldaketa ari dira egiten. Izan ere, Euskadiko Liburutegi Sistema Nazionalaren barruan sartu da. Horrek, Bibliotekako dokumentuak berriz etiketatzea dakar. Bitartean, mailegu zerbitzua etenda dago.

Udazken Kulturala berriz ere abian

 Eskoriatza Azken urteetan bezala, aurten ere Udazken Kulturala antolatu dute Eskoriatzako hainbat elkartek eta Udalak elkarlanean. Oraindik ekitaldi batzuk zehaztu gabe dituzten, ekimenaren nondik norakoak jakitera eman dute.

Intxaurtxuetako etxebizitza sozialetako lanak ikusten izan da Javier Madrazo

 Eskoriatza Eusko Jaurlaritzako Etxebizitza eta Gizarte Gaietarako sailburu Javier Madrazo Eskoriatzan izan da gaur, Intxaurtxueta auzoan egiten dabiltzan etxebizitza sozialak ikusten. 16 izango dira guztira; 3 Udalaren esku geratuko dira, eta gainerako 13ek badute jabea.

Eskoriatza-Arlaban autobide zatiko lehen harria ezarri dute

 Eskoriatza Eskoriatzatik pasatuko den autobidearen lehenengo harria ezarri dute gaur goizean. Autobideak, Gipuzkoa eta Araba lotzen dituen Arlabango bidea erosoago egingo duela esan du Gonzalez de Txabarrik.

Arroiabe tiratzailea seigarren Valladoliden

 Eskoriatza Jesus Arroiabe eskoriatzarra seigarren geratu zen irailaren 5ean Valladoliden jokatutako kategorietan banatutako Espainiako plater tiroketa txapelketan.

Kalamuaren legalizazioaren aldeko mozioa

 Eskoriatza Kalamua erabilera pertsonalerako landatzeko, farmazietan saltzeko eta erabilpen terapeutikorako arautzea eskatzen duen mozioa onartu da. Eskoriatzako Udalak uztailaren azken Osoko Bilkuran egin zuen mozioaren alde.

Izartu programari esker diru laguntza handia jasoko du Udalak

 Eskoriatza Eskoriatzak 1.273.000 euro jasoko ditu Eusko Jaurlaritzaren Izartu programari esker. Lanak datorren urtean hastea espero du Udalak.

Udalaren dirulaguntzak UEUko ikastaroetarako

 Eskoriatza Aurten ere, Udako Euskal Unibertsitateko ikastaroak egin gura duten eskoriatzarrei dirulaguntza emango die Udalak.

Gida komertziala

Gida komertzialeko produktuak

Haurrak1
Aire girotua
Soldadura berezia
Pulimendu mota ezberdinak
Tratamenduak eta produktuak
Ardo eskeintza zabala