Logoa

Udalerrian egiten dituzten 100 elkarrizketetatik 33 euskaraz

 Eskoriatza Soziolinguistika Klusterra enpresak euskararen erabilera aztertu du Eskoriatzan. Jasotako emaitzen arabera, euskararen erabilera handituz doa, eta umeen presentziak eragin handia dauka. San Pedro auzoan batu dituzte emaitza txarrenak.

Haurtzaindegi publikorako 313.000 euro aurreikusita

 Eskoriatza Astean udalbatzarrak ezohiko osoko bilkura egin zuen haurtzaindegi publikoaren proiekturako diru partida handiagoa onartzeko. Aurretik, lan hori egiteko, 200.000 euro onartuta zituzten, baina hori handitzeko beharra ikusi dute, eta beste 113.000 euro batu dizkiote kopuru horri.

Pettiren kontzertua domekan

 Eskoriatza Berako bakarlariak kontzertua eskainiko du maiatzaren 22an, domeka. Gaztetxean izango da, 19:00etan.

Elizateetako auzo bideen inbentarioa egin dute

 Eskoriatza Dagoeneko aurkeztu dute elizateetako auzo bideen inbentarioaren aurrerapena, eta udaletxean dago interesatuek ikus dezaten. Auzotarrek ekainaren 15era bitarteko epea dute lan horri alegazioak aurkezteko.

Ostiralean, HUHEZI eguna

 Eskoriatza Datorren ostiralean, hilak 20, egun berezia izango dute HUHEZIn, Txomintxapel Eguna baita, fakultatearen eguna. Bigarren mailako ikasleek, bai Irakasle Ikasketetan dabiltzanek zein Giza Zientzietakoek, egitarau zabala prestatu dute egun horretarako.

Omenaldia egingo diote areto-futboleko taldeari

 Eskoriatza Eskoriatza Kirol Elkarteko areto-futbol taldeak maila igo du. Hurrengo denboraldian 1. B nazionalean jokatuko du. Hori dela-eta, omenaldia egingo diote taldeari datorren domekan, maiatzak 22.

Dorletako proiektuaren erakusketa, hilabete bukaeran

 Eskoriatza Udaleko Hirigintza Sailak aditzera eman du Dorleta auzoko lanen proiektua maiatzaren bukaeran jarriko dutela ikusgai.

Zapatuan, Dendarien Jaia

 Eskoriatza Aspaldian herriko merkatariak fin dabiltza lanean. Herrian gauzak egiteko gogoa piztu gura dute, eredua emanez. Zapatuan, musika jarriko dute herriko plazan eta landareak banatuko dituzte herritarren artean.

Karrera amaierako ekitaldia HUHEZIn

 Eskoriatza Gaur, maiatzak 13, arratsaldeko 18:00etan orlak banatuko zaizkie Humanitateak - Enpresa karrerako 4. mailako ikasleei, aurten amaituko dituzte-eta ikasketak.

Umeen danborrada prestatzeko bilera. Gurasoei deia

 Eskoriatza Udaberria aurrera doa eta dagoeneko iritsi da garaia Haurren Danborrada prestatzen hasteko. Hori dela eta maiatzaren 19an, osteguna, arratsaldeko 18:30ean bilera bat egingo da Kultur Etxean aurtengo antolaketa lanei ekiteko.

Loreen eguna antolatu dute Eskoriatzako merkatariek

 Eskoriatza Bezero bakoitzari txartel bat oparituko diete Eskoriatzako merkatariek eta txartelaren truke landare bat eskuratu ahal izango dute. Maiatzaren 14rako, zapatua, antolatu dute loreen eguna.

Patinaje ikastaroan izena emateko aukera dago oraindik

 Eskoriatza Domekan, hilak 15, hasiko den patinaje ikastarorako lekua geratzen da oraindik. Izenemate epeak zabalik jarraitzen du, hortaz. Bestetik, hil bukaerarako iragarrita zegoen ipuin kontaketa saio bat aurreratu egin dute.

San Pedro jaiak iragartzeko horma-irudi lehiaketa deitu dute

 Eskoriatza Udaleko Kultura Sailak abian jarri du San Pedro jaiak iragartzeko horma-irudi lehiaketa. Irabazleak 300 euroko saria jasoko du, eta maiatzaren 20a izango da lanak aurkezteko azkeneko eguna.

Erretiratuendako hiru ortu libre daude Torrebason

 Eskoriatza Udalak aditzera eman du erretiratuendako hiru ortu libre daudela oraindik. Martxoaren bukaeran urtebete egin zuten, eta oso harrera ona izan dute. Udalak hobekuntzak egingo ditu datozen egunetan.

Ehunka eskoriatzar igo ziren Aitzorrotzera domekan

 Eskoriatza Bero egin zuen arren, Aitzorrotzeko egunarekin bete egin zuten eskoriatzarrek goizean goizetik domekan, maiatzak 1.

Muturreko metal taldeak gaztetxean

 Eskoriatza Apirilaren 30ean, zapatua, kontzertu indartsua egingo dute gaztetxean. 22:30ean, Galdakaoko Biok eta Arrasateko Anger taldeek joko dute.

Aitzorrotz egunean ez dute herri bazkaririk egingo

 Eskoriatza Dagoeneko heldu da eskoriatzarrek hain gustuko duten eguna. Eguraldia lagun badute hitzordu polita dute debagoiendarrek.

Saihesbidean lanak egiten dabiltza erortze arriskuagatik

 Eskoriatza Azkeneko bi asteotan Eskoriatzako saihesbidearen puntu batean harrizko horma handi bat egiten dabiltza, erortze arriskua saihesteko. Aldundia dabil lan hori egiten eta trafikoan geldiuneak sortzen ditu.

Udalak hartu du Apotzagako bide berria egiteko ardura

 Eskoriatza Udalak erabaki du Apotzagako auzotarrek duten arazoari irtenbidea ematea. Autobideko lanak direla eta, kamioien eta makinen trafiko handia dute auzoko bidean, eta auzotarrak oso haserre daude.

Oporraldia Alzheimerra duten gaixoekin

 Eskoriatza Alzheimer gaixotasuna edo bestelako dementzia duten pertsonentzako Oporretako Programa aurkeztu dute AFAGI-k eta Gipuzkoako Foru Aldundiak.

Gida komertziala

Gida komertzialeko produktuak

Janari prestatuak
Kreditu txartelak
Necto pastillak
Finantzaketa
Fotodepilazioa