Luiz Ezeizakoek gaur egindako ekitaldian, esku erraldoi bat jarri dute horma batean itsatsita eta ikasle, irakasle zein gurasoek, beraien eskuak (paperez egindakoak) lema ezberdinekin esku erraldoian itsatsi dituzte.
Ondoren, bosgarren mailakoek kafe kapsula moreekin egindako emakumeen ikurra atera dute, eta ikurraren inguruan hizkuntza ezberdinetan idatzita, aurtengo lema irakurri dute (hizkuntza hauek eskolako ikasle zein familien hizkuntzak ziren, hala nola, urdua, errumaniera, arabiera, ingelesa, gaztelania, polakoa…). Zeinu hizkuntzan ere aipatu dute lema: Hamaika kultura, eskubide berdinak.
Ekitaldia amaitzeko, eskolako patio erdian emakumeen ikurra eginez, eta puxika moreekin, argazkia atera dute, Mikel Markez eta Aire Ahizpen Konplize ditut eta abestia abestuz.