''Europar Batasunaren oinarrizko eskubide gisa, pentsio publikoak, bidezkoak eta nahikoak bermatzea gure belaunaldiari eta etorkizunekoei, bizi-baldintza duinak eta autonomoak lortzeko''. Hori izan da, hain zuzen, Europako Parlamentuko talde politikoei igorritako gutunean Euskal Herriko Pentsiodunen Mugimenduak (EHPM) eta Coordinadora Estatal por la Defensa del Sistema Público de Pensiones elkarteek egindako lehen eskaria.
''Finantza-sektoreak kontrolatzen dituen pentsio-plan pribatuen onurarako pentsio-sistema publikoen prestazioak murrizten ari diren Europako zein estatuko estrategiak gaitzesteko'' deitu dute elkarretaratzea Bruselan. Eta han izan dira, espainiar estatuko beste hainbat pentsiodun plataformetako eta mugimenduetako ordezkarirekin batera, Arrasateko hainbat kide ere.
Sei eskari egoera iraultzeko
Aipatutako eskari nagusiarekin batera, Europako herrien pentsio-sistema publikoa bermatzea, Europako Gutun Sozialaren galdagarritasuna indartzea, edota Pentsio Pribatuen Europako Planak (PPEP) sustatzen dituen arauak indargabetzea dira, besteak beste, egindako eskariak.