Bizkaian EAJ aise nagusitu da, eta EH Bilduk gorakada nabarmena izan du

Josu Bilbao Atxutegi 2020ko uzt. 12a, 22:25

12 eserleku eskuratu ditu EAJk, 2016an baino bat gehiago. EH Bilduk ere gorakada nabarmena izan du, eta 2016an baino 2 eserleku gehiago eskuratu ditu (7 guztira). Elkarrekin-Podemosek eta PP-Ciudadanos koalizioak behera egin dute.

EAJ erraz nagusitu da beste behin Bizkaian botoen %42,60arekin, eta 2016an lortutako emaitzak hobetu egin ditu. Izan ere, EAJk eserleku bat gehiago eskuratu du eta 12 legebiltzarkide izango ditu Gasteizen. EH Bilduk ere gorakada nabarmena izan du Bizkaian (botoen %23,94), eta 2016an baino 2 eserleku gehiago izango ditu.

Beherakada nabarmena izan du 2016an hirugarren indarra izan zen Elkarrekin-Podemosek. Alderdi moreak bi jarleku bakarrik eskuratu ditu, 2016an baino bi gutxiago. PPk eta Ciudadanosek osaturiko koalizioak ere beherakada nabarmena izan du Bizkaian, eta legebiltzarkide bakarra izango dute Gasteizen (2016an bi eskuratu zituen PPk). PSE-EEk emaitzak mantendu egin ditu, eta zituen hiru legebiltzarkideak mantenduko ditu.

Aipagarria izan da abstentzioa, %47,48koa izan da eta.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak