Bailarako hainbat ziklista izango dira lehian; tartean, Oñatiko hauek: kadetetan, Aitor Altube, Aimar Erostarbe, Aimar Madina eta Xabat Castaños; juniorretan, Ander Blazquez, Aritz Torres eta Unai Cueva; eta elite mailan, Iñigo Mugarza lehiatuko da. Aurten, gainera, maila eskolarreko gazteek ere ziklo-krosa gertutik ezagutzeko aukera izango dute. Bada, mendiko bizikletan ibili ahal izango dira zirkuituan, eta kaskoa derrigorrezkoa izango da. Antolatzaileek 10:00etan egingo dute gaztetxoen izenematea, eta lasterketa 11:00etan egingo dute.