Lider dagoen Aretxabaleta-UDAk ondo gainditu du asteburuko hitzordua, Corazonistas talde gasteiztarrari 1-5 irabazita. Kontrario zuzen Ferreresek ere ez du barkatu –Elorriokori 6-2 irabazita–, eta bi talde horiek jarraituko dute, beste astebetez, Euskadiko Txapelketako lidergoa partekatzen, nahiz eta aretxabaletarrek abantaila duten, elkarren kontra jokatutako partidua UDAkoek irabazi zutelako.
Atzo, zapatua, aretxabaletarrek ez zuten kontrariorik izan, Corazonistasi ondo irabazi zioten-eta. Oierrek, Txitxo-k, Matikuk Julenek eta Mansok egin zituzten bost golak, eta bosgarrena ederto jaso zuten zale aretxabaletarrek harmailetatik, bideoan ikusten den moduan; Asier Mansoren 1-5ekoa izan zen.