"Gero eta argiago dugu Candy ez dela itxiko"

Candyko langileek manifestazioa deitu dute eguen honetarako. Egubakoitzean bukatzen da negoziazioetarako epea, eta langileek salatu dute enpresak egindako azken eskaintzaren helburua dela langileria zatitzea. Gainera, eurek eskatzen dutena da Bergaran lanean jarraitzea, ziur baitaude herriko lantegia bideragarria dela.

Bergarako Candyren itxiera prozesuan, egubakoitzean bukatuko da kontsulta epea. Langileek adierazi dute, enpresak epea luzatzea erabaki ezean, orduan amaituko dela negoziazioa, baina eurek bideragarritasun plana eskatzen jarraitzen dutela. Ziur daude Bergarako lantegia bideragarria dela.

Langileek salatu dute enpresaren hileroko datuak eskatu dituztela, adibidez, baina ez dizkietela eman; hileroko daturik ez dutela jasotzen esan omen diete, baina langileentzat hori adarjotzea da; ez dute sinisten halako multinazional batek hileroko daturik ez jasotzea. Beste aukerarik ez badute, diotena hala dela erakusteko epaitegietara joko dutela adierazi dute.

Enpresak azken bileran egindako eskaintzari dagokionez, asmo iluna ikusten dute atzean: langileriaren batasuna haustea. Itxaropentsu agertu dira, hala ere, eta adierazi dute gero eta argiago dutela Candy ez dela itxiko. Eta esker on hitzak ere izan dituzte, euren aldamenean dauden denendako.

Datozen ekintzei dagokienez, eguenean, 18:30ean plazan hasita, manifestazioa egingo dute. Asteburuan Madrila eta Bartzelonara joatekoak dira, El Corte Inglesera, Candyren bezero ona baita, eta Italiara, Candyren egoitzara joatea pentsatzen ere ari omen dira.

Erlazionatuak

Candyko zuzendaritzak eta langileek abenduaren 23ra arte luzatu dute negoziazio epea

Bergara

Candyko langileak eta zuzendaritza akordio batera iritsi dira negoziazio epea abenduaren 23ra arte luzatzeko. Bi aldeak gaurkoa zuten azken batzarr...
Manifestazioa egin dute Candyko langileek, zuzendaritzakoekin azken batzarra egin aurretik

Bergara

Azkeneko asteotan egin duten bezala, bart ere manifestazioa egin dute Candyko langileek Bergarako kaleetan barrena. Eskualdeko beste langile eta si...
Bergarako lantegian ekoizpenari utzi beharra "saihestezina" dela dio Candy-ko zuzendaritzak

Bergara

Candy-ko zuzendaritzak berretsi du "ahalegin guztiak" egin dituela lantegiko aktibitatea mantentzeko. Lehiakor izan zedin, 2004tik, Bergarako lante...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.