Etxebizitzen legea izan zen gai-zerrendako lehena eta garrantzitsuena: "Guk lege horren aurrean gure proposamenak egin ditugu eta gaur erabakiko dugu zeintzuk izan behar duten hurrengo pausuak", esan zuen Salvador Gonzalez Stop Deshaucios plataformako kideak. Eta gaineratu: "Argi duguna da alokairu sozialaren aldeko apustua egin beharko litzatekeela eta etxebizitzak oinarrizko eskubide izatea lortu behar dugula. Etxebizitzak funtzio soziala bete behar duela". Alokabideren eta Kutxabanken gainean ere aritu ziren jardunaldian: "Hain justu ere, neurriak hartuko ditugun Kutxabanken pribatizazioa geldiarazteko", adierazi zuen.
Kaleratze prozesuak aurrera
Stop Deshaucios plataformako kideek salatu zuten, nahiz eta "komunikabideetan ez agertu, iazko epe berean baino %19 kaleratze gehiago dagoela martxan".