Ainhoa Intxaurrandieta (GHKren lehendakaria), Jaione Isazelaia (Bergarako alkatea), Iñaki Errazkin (Ingurumen eta Lurralde Antolaketarako diputatua) eta Martin Garitano (Diputatu Nagusia) izango dira biharko aurkezpenean esku hartuko duten hizlariak.
10.000 tona bio-hondakin
Pasa den otsailean Foru Aldundiak aurkeztutako txostenaren arabera, Epeleko Konpostatze Planta 10.000 tona bio-hondakin tratatzeko gai izango da, eta aurreikusten da aurtengo abenduan edo datorren urteko urtarrilean indarrean egotea.
Zortzi milioi euro
Epeleko konpostatze plantak Gipuzkoako etxeetan gaika bildutako hondakin organiko garbia izango du lehengai –A+ kalitateko konposta sortzeko diseinatu da–. Azpiegitura horren kostua zortzi milioi euro izango da.
