Euskadiko Alderdi Popularrak Kongresua egin zuen atzo Donostiako Kursaal jauregian, eta Espainiako presidente den Mariano Rajoy izan zen kongresua ixteko arduraduna, bere hitzaldia baina, lau neska gazte eten zuten.
Jendartean eserita zeuden, hain zuzen ere, bosgarren lerroan eta aurpegia nahiz eskuak gorriz margotuta zituzten. Rajoy hitz egiten hasi zen unean aulkietatik altxa eta "Abortua legez kanpokoa, estatuaren indarkeria" eta "Gure gorputza, gure erabakia" leloak oihukatu zituzten. Protesta egin zutenek kongresuko akreditazioa zeukaten.
Aretoa betetzen zuen PPko konpromisarioek "Bai bizitzari!" oihukatuz erantzun zuten.
Minutu gutxi batzuen ostean, segurtasun zaindariek aretotik atera zituzten laurak eta ertzainek identifikatu egin zituen. Protesta amaitu bezain pronto, Rajoyk bere hitzaldiarekin jarraitu zuen gertaerari inolako aipamenik egin gabe.