Aldez aurretik egindako lan handia erakutsi zuten txapelketan burututako probetan. Guztira lau proba egin zituzten: robotaren misioena, proiektu zientifikoaren aurkezpena, proiektu teknikoaren aurkezpena eta baloreen azalpena. Proba horien guztien artean puntuazioa onena lortu zuten bi taldeak sailkatu ziren Espainiako txapelketarako.
Gure taldeak hiru sari bikain lortu zituzten: kortesiaren saria, talde lanaren saria eta robotaren portaera onenaren saria. Halaber, robotaren misioen probari dagokionez, Arizmendi ikastolako 4. DBHko talde batek lortu zuen parte hartzaile guztien artetik puntuaziorik altuena.
Irakasleok oso gustura geratu ziren ikasleek egin zuten lanarekin bai proba egunean, baita Zamudiora joan aurreko egunetan erakutsitako umore, lan maila eta jarrerarekin ere. Irakasleen hitzetan, “horrela jarraituz gero, hurrengo urtean ere sariak iritsiko dira”.