Gaurko inaugurazioan ordezkari politiko ugari izan dira, besteak beste Aita Menni ospitaleko zuzendari Mikel Tellaetxe, Gipuzkoako Ama Nagusi Fuencisla Martin, Eusko Jaurlaritzako Osasun saileko sailburuorde Guillermo Viñegra, Donostiako gotzain Jose Inazio Munilla, Gipuzkoako Auzitegi probintzialeko presidente Iñaki Subijana eta Arrasateko Udaleko ordezkariak besteak beste.
Instalazioetatik bisita gidatua egin ondoren, Tellaetxek, Viñegra eta Sor Fuencislak hitza hartu dute. Besteak beste eskerrak eman dituzte krisi garai honetan eginiko esfortzu ekonomiko handi honengatik eta bestalde, pertsonen zaintza beharrezkoa dela gogorarazi dute, baita pertsonekin bat egiten dutela ekarri dute gogora.
Segurtasun neurri handiko unitatea
Martxan jarritako unitate berri hau, Aita Menni ospitaleko izkina batean dago kokatua. Bertan, auzi judiazialak izan eta buruko arazo handiak dituzte gaixoak izango dira. Izan ere, orain arte, pertsona hauek kartzelan jarraitzen zuten, baina euren arazoa dela eta unitate psikiatriko batean egotea hobe izango litzake eta behar hori erantzuteko asmoz sortu dute unitate berri hau.
Halako egoeratan, segurtasuna behar beharrezkoa da, hala, 55 kamera egoteaz gain, 4 ate, geruza bikoitzeko leihoak eta beste hainbat neurri hartu dituzte. Unitate berri honetan 10 pertsonentzako lekua dago eta momentuz, 8 pertsona aurkitzen dira. Segurtasun altuko unitatea da beraz, eta 900 metro koadroko azalera okupatzen du. Inbertsio osoa Aita Menni ospitalearen gain gelditu da eta 1,3 milioi euroko gastua egin du.
Estatu mailan existitzen den baldintza hauetako unitate bakarra da eta Iñaki Madariaga unitate berri honetako zuzendariak aipatu duenez, Gipuzkoa mailarako pentsatu bazen ere, estatu guztiko pertsonentzat irekita egongo da.