Jendetsuagoa izateaz gain, urriko azken eguneko agerraldia aurrekoa baino beroagoa izan zen. Manifestarien artean mina eta haserrea atzematen zen eta bide alboetatik hainbat herritarren elkartasuna jaso zuten. Igarri zen orain arte ezagutzen ez zen egoera baten aurrean erantzun berezia izan zela. Txaloak eta txistuak entzun ziren hasieratik eta manifestazioa herrigunera sartu zenean "Fagor, Edesa, ez itxi!" oihukatu zute behin eta berriz. Herriko plazan ere aldarrikapen berbera egin zuten hainbat minutuz. Langile batzuek ere eserialdia egin zuten protesta modura.
Manifestazio amaieran Esteban Arriaranek egin zuen berba Errektore Kontseiluaren izenean, eta elkartasun balioei eutsiz, enplegu guztiak mantentzea aldarrikatu zuen.