Dennis Urubko 15. mendizalea izan da zortzimilako guztiak egiten, 2009an egin zuen-eta hamalaugarrena. Eta horietako bi neguan igo zituen, Gasherbrum II (2001) eta Makalu (2009); Hala, Urubkoren bisitarekin hasiko dute datorren astean Oñatin Aloña Mendiko mendi hamabostaldia, indartsu, horrenbestez. Urubko eguaztenean, azaroak 6, izango da Oñatin, Kultura Etxean (19:30). Itzultzaile lanetan, ostera, Alex Txikon laguna izango du.
Eskalada, base jauzia, Raid-ak
Ondorengo asteetan izango diren ikus-entzutekoetan eskalada eta raid gaiak nabarmenduko dituzte. Azaroaren 19an Carlos Suarez eskalatzailea izango da Oñatin, baina aspaldian base jauziak egiten dabil, eta gai horri helduko dio. Eskaladaz jardungo dute, esaterako, Egoitz Zubizarretak Patagoniara egindako bidaian, edota Iker Arroitajauregik. Uxue Frailek eta Saul Abrilek, berriz, raid-ak gerturatuko dituzte (azaroak 26), euren esperientzia kontatuz.
Mendi asteko egitaraua:
Azaroak 6: Dennis Urubko
Kazajistango mendizalea.
Azaroak 19: Carlos Suarez
Base jauzien gainean jardungo du.
Azaroak 20: Egoitz Zubizarreta [Hemen Goiena.net-en egindako albistea]
Patagonian, Cerro Torre eta Poincenot.
Azaroak 21: Zine Kluba, 'Autana'
Amazoniako abenturaren filma.
Azaroak 22: 'Baltistan garatzen'
Felix Baltistan Fundazioaren lana.
Azaroak 26: 'Raid-aren abentura'
Uxue Fraile eta Saul Abril.
Azaroak 27: 'Harri Aroa'
Iker Arroitajauregi, boulderraz.
Azaroak 29: 'Lehoinabarraren aztarnak'
Xabier Ormazabalen omenez.