Aita Menniko garuneko gaitz unitateko koordinatzaile Olatz Uriartek azaldu duenez, "burmuinera odola daramanarteria bat oztopatzean gertatzen da iktusa". Izan ere, odola ez da eremu batera heltzen eta kaltetuta geratzen da.
Prebentzioa eta bizkortasuna
Zenbat eta denbora luzeagoan egon zirkulazio gabe, kaltea orduan eta handiagoa da, eta sendatzeko zailagoa ere bai; batzuetan, atzera bueltarik ez duena. Bada, iktusa gertatu ondorengo uneak premiazkoak dira.
Hori dela eta, dieta osasuntsua egiteak eta egunero 30 minutuz kirola egiteak gaixotasuna ez garatzen laguntzen dute. Bestalde, arteria hipertentsioa, diabetesa, kolesterola eta tabakismoa izaten dira ohiko arrisku faktoreak.
Aita Mennik Azoka kalean duen Eguneko Zentroan, erizain eta sendagile batek aldez aurretik 943 79 44 11 telefonoan hitzordua lotzen duen edonori balorazioa egingo diote, doan. 18:30ean, aldiz, Kulturaten Iktusa, zer egin aurretik eta ostean? hitzaldia egingo dute.