Atzoko 30 graduak gainditu eta oilonarrua eragin zuten sentimendu horiek parte-hartzaileen zein ikusleen artean: negarra, amorrua, inpotentzia, beldurra eta noraeza. Sentimendu horiek guztiak eraman zituzten San Andresetik Olandixora, Mondragon Taldearen bulego nagusietara. Eta han bai, han apurtxo bat aireratu zituzten, txaloekin batera, txistuak ere erabilita. Gure lanpostuen defentsan lelopean egin zuten manifestazioa.
Milaka lagun batu ziren Arrasaten, Fagorreko langileek deitutako manifestazioan. Udaltzaingoaren esanetan, 2.000tik gora. Manifestazioa hasi aurretik, jendetza batu zen Fagor Etxetresnen aurrean eta San Andreserako bidean. Askok eta askok Fagor eta Endesako pegatinak zeramatzaten soinean. Ahots Kooperatibisten manifestua ere banatzen zebiltzan bazkideen artean.
Manifestazioa 12:00etan hasi zen, baina aurretik laisatasuna eskatu zuten deitzaileek. Hala, isiltasunean abiatu ziren San Andreseko Fagor Etxetresnetatik. Txaloek bakarrik apurtu zuten isiltasun hori, gaurko aldarrikapenari izugarrizko ozentasuna emanez.
Sentimenduak, ozen
San Andresetik abiatu eta Olandixora joan ziren. Lasai egin zuten ibilbidea, baina era berean agerian geratu ziren bazkideen sentimenduak: hunkidura, amorraua, egoneza eta informazio eza.
Foruen plazatik gora hartu zutenean, hainbat geldialdi egin zituzten manifestariek Olandixo gainean zegoen Mondragon taldeak duen egoitzara iritsi baino lehen: tartean, Lagun Aroko egoitzaren aurrean, Ikerlanenen aurrean eta Laboral Kutxaren aurrean. Azken horretan apurtu zuten isiltasuna, manifestazioko leloa ohikatu zuten: "Gure lanpostuen defentsan".
Puntu horretara iritsi zirenerako txaloez gain, txistuak ere entzuten ziren. Azkenik, Mondragon taldearen egoitzaren aurrealdera iritsi ziren. Bertan komunikatua irakurri zuen Exabier Arrieta kontseilu sozialeko kideak. Manifestari batzuek soinean zeramatzaten pegatinak itsatsi zituzten Mondragon taldearen egoitzaren atean, kolpeak emanez.
ERLAZIONATUTAKO ELEMENTUAK:
- IRITZI ARTIKULUA Leire Kortabarria: Etxetresnak, bidegurutzean
- IRITZI ARTIKULUA Joseba Barandiaran: 'Egunero hasten delako'
- IRITZI ARTIKULUA Inazio Arregi: 'Erorketa iragarri baten kronika?'
- IRITZI ARTIKULUA Iban Arantzabal: 'Kooperatiba eredua ez dago krisian'
- IRITZI ARTIKULUA Naroa Elortza: 'Mitoak mito'
- ELKARRIZKETA Ainhoa Larrañaga: "Orain, bereziki, Korporazioko gainontzeko kooperatiben garaia iritsi da"
- ELKARRIZKETA Adrian Zelaia: "Hartzekodunekin lortzen den akordioaren araberakoa izango da langileen etorkizuna"
- Borondatezko ekarpenak dituztenak elkartzen hasiko dira
- Etxetresnetako langileei konponbidea emateko bulego bat irekiko du Korporazioak
- Mondragon Korporazioa: "Ahalegin guztiak egingo ditugu langileei laguntzeko"
- Ahots Kooperatibista: "Berriro osatu apurtutako kristala"
- Langileak langabeziara joango dira astelehenean
- Fagor Etxetresnak datutan: 13 lantoki eta 5.642 langile mundu osoan
- Etxetresnak: Fagor Taldearen zati bat
- Aurre-lehiaketa eta akordio pribatuetarako aukera
- ERREAKZIOAK Politikoak, sindikatuak, Fagorren sortzaileak...
- ATZERA-BEGIRADA Fagor, goraldiaren ondoren, gainbehera
- ARGAZKI GALERIA: Fagorreko langileen batzarra Amaia Antzokian