"Etengabe ari du elurra botatzen azken 20 orduetan. Bigarren elurtegian jarri genuen denda atzo eta geldirik gaude. Baldintza hauetan ezin dugu eskalatu, paretatik igotzea ezinezkoa da. Ez dauka itxura onik". Telefono dei labur horren bitartez eman zuten egoeraren berri atzo, astelehena, Alberto Iñurrategik, Juan Vallejok eta Mikel Zabalzak, Paiju Peakeko Hegoaldeko aurpegitik.
Albiste onak ere badaude, ordea: batetik, orain arte aurreikusitakoa bete dutelako eta hiru egunetan paretaren erdia egin dutelako, luzeran kilometro pasatxo (asteazkenean mendi-leporaino igo ziren, 5.050 metrora, eta ostegunean sartu ziren paretan bete-betean);eta bestetik, sei egunetarako bizigaiak dituztelako oraindik.
Beste 24 bat orduz eutsi beharko diote elurteari eta hobe dute geldirik egotea 5.500 metrora kokatu duten dendatxoan, Paijuko tontorretik 1.000 metro pasatxora. "Paretaren bigarren zatian gaude behintzat, bertikalagoa denez eguzkiak errazago garbitzen duen zatian alegia", adierazi dute.
Ikusi egin behar iragarpenak zer dioen, eguraldiak ze joera izango duen jakiteko.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
