Sukaldaritza eta horrekin batera, bertako produktuak eta kultura sustatzeak jarraitzen du helburu izaten. Ildo horretatik, menu bereziak eskainiko dituzte jardunaldietan parte hartzen duten jatetxeek (Arrasaten Hilarion, Hamalau eta Santa Ana; Bergaran Lasa; Elgetan Maialde eta Oñatin Etxe-Aundi, Goiko Benta eta Soraluze), eskualdeko garaiko barazkiekin, Debagoieneko txakolinarekin eta txokolate eta bakailaoarekin osatutako platerekin.
Gatzagen Topaketa eta Gatzaren Eguna
Aipatutako horiez gain, Gatzagako Gatz museoaren bueltan, bisita bereziak egingo dira. Hain zuzen gatzarekin lotuta aurtengo egitarauaren ekitaldi nagusietako bat etorriko da: Gatzaren Eguna. Uztailaren 19an eta 20an Euskal Herriko barnealdeko gatzagen topaketa egingo da Leintz Gatzagan. Ibilbide tematikoak ere ugari egongo dira uztailean gastronomiarekin lotuta. Informazio guztia Mankomunitatean webgunean aurki daiteke.
Sukaldaritza tailerrak
Amaitzeko, beste berezitasun bat: sukaldaritza tailerrak. Garaiko sukaldaritzarekin lotutako saioak antolatu dituzte aurten lehen aldiz, herritar guztiei zabalik. Arrasateko Eroski merkataritza gunean izango dira tailerrak, ekainaren 18an eta uztailaren 2an.
Ekitaldi nabarmenak
- Gomiztegi baserrira bisita (artzantzaren historia eta esnekien dastatzea): ekainak 8, 16, 22, 30 eta uztailak 7, 13, 21, 27 (izena, aurrez).
- Gomiztegi baserria eta artzain txakurraren erakustaldia, dastatzearekin: ekainak 9, 15, 23 eta 29 eta uztailak 6, 14, 20 eta 28.
- Debagoieneko XIV. Jardunaldi Gastronomikoen aurkezpena Elgetan, ekainak 13.
- Ardo eta txakolin dastatzea Mikel Garaizabalek gidatuta. Ekainaren 19an Elgetako Maialde landetxean, HAZIren eskutik. (Izena, aurrez)
- Debagoieneko II. Txakolin Eguna, uztailaren 14an Aretxabaletan.
- Sukaldaritza tailerrak. Barazki-menestra eta bakailao tailerra ekainaren 18an 18:00an Mankomunitateko egoitzan. Entsalada epelen eta hegaluzearen tailerra, uztailaren 2an leku berean 18:00etan. Tailera hauek uztailaren 10ean eta 17an Arrasateko Eroski supermerkatuan ere egingo dira.
- Barnealdeko gatzagen lehen topaketa: uztailaren 19an eta 20an Leintz Gatzagan.