Gai zerrendako puntu nagusia LOMCE legea izan zen. Eta Imanol Zubizarreta Baikarako koordinatzaileak legearen azken berritasunez egin zien berba besteen artean, Aretxabaleta, Arrasate, Eskoriatza, Aramaio zein Bergarako guraso elkarteetako ordezkariei.
Aldaketa nabarmenak hezkuntza ereduan
Maiatzaren 17an onartu zuen Espainiako Gobernuak Jose Ignacio Wert ministroaren hezkuntza erreforma. Adituek aurre ikusitakoaren arabera, 2014ko irailean sartuko litzateke indarrean, asmoarekin aurrera egin ezkero.
Aldaketa ugari ekarriko dituen hezkuntza-erreforma da. Adibidez, erlijo ikasgaiak garrantzia handiagoa izango luke etorkizunean. Ikasleek gainera, azterketa gehiago egin beharko lituzkete, bai lehen hezkuntzan, DBH zein batxilergoan.
Baina Baikarakoek azpimarratu gura izan dute euskal kurrikuluma galduko litzatekeela erreformarekin.
Urte luzeetan euskal hezkuntza eredua garatzen aritu ondoren, LOMCE legearekin Madrildik zehaztutako kurrikuluma nagusituko litzateke eta ikastetxeetan.