Eroski Fundazioak, gizartearen elikadura-ohituretan sortzen ari diren aldaketez ohartuta, elikadura eta ohitura osasungarriei buruzko hezkuntza programa bultzatu du haurrentzat. Eta horixe da Arizmendiko ikasleek landuko dutena gaur, maiatzaren 20an, hasi eta eguenera bitartean.
Obesitate-tasa handiagoa
"Ohiturak aldatzeak berekin ekarri du, alde batetik, haurren obesitate-tasa handiagoa, eta bestetik, ariketa fisiko gutxiago egitea. Horregatik, haurrek bizi-ohitura osasungarriak beregana ditzaten lortzeko, elikadura eta ohitura osasungarriei buruzko hezkuntza programa (EOOHP) aurkezten dugu", jakinarazi dute antolatzaileek.
Argazkiak erakusten duen moduan Arizmendiko neska-mutikoak Arrasateko Eroski hipermerkatuko elikadurarekin lotutako sailak hobeto ezagutzen ibili dira gaur.
Eta hamarretako gozoa egiteko aukera ere izan dute.
Horrez gainera, Eroski Fundazioak zenbait unitate didaktiko sortu ditu, bai ikasleentzat, bai irakasle eta familientzat.
Tix&Loy laguntzaile bereziak
Hori guztia bereganatzeko, bestalde, laguntza berezia izango dute gaztetxoek, Tix & Loyren laguntza. "Neskatxa eta mutiko osasuntsu eta kirolariak dira, beren bizi- eta elikadura-ohiturak modu orekatuan, eta, beraz, osasungarrian zaintzen dituztenak. Tix & Loy oso osasungarriak ez diren ohitura berri horiek aldatzeko helburuarekin sortu dira, bai eta gazteen artean elikadura eta ohitura osasungarriak bultzatzeko ere".