Arizmendiko Gazte mailako futbol txapelketak zortzi urte egin izanak erakusten du Gabonetan kontutan hartu beharreko hitzordua dela. Baina ez Debagoiena mailan bakarrik, Gipuzkoako gainontzeko taldeek ere parte hartu nahi izaten dutelako. Hala, bihar, zapatua, kategoria txikietako partiduak izango dira Ibarran. Alebin, infantil, eta kadete mailako partiduak. Tartean izango dira ibarreko ordezkariak, Mondrakoak, Bergarakoak, Aloña Mendikoak edota Arizmendikoak. Baina baita Lazkao, Beasain, Eibar, Anaitasuna… Hau da, Gipuzkoako talde askotako ordezkariak futbolean ondo pasatzeko gertu.
Abenduaren 30ean, domekan, berriz, nagusien txanda izango da, seniorrena. Eta aurten partidu bakarrean erabakiko da txapelketa, Debagoieneko selekzioak Realeko emakumezkoen kontra jokatuko duena. Partidu hori goizeko 11:00etan hasiko dute.
Hilaren 29ko txapelketan izango diren taldeak:
Alebin mailan:
- Arizmendi
- Aloña Mendi
- Bergara
- Anaitasuna
Infantil mailan:
- Arizmendi
- Arizmendi Mondra
- Bergara
- Aloña Mendi
- Urki
- Lazkao
- Beasain
- Anaitasuna
Kadete mailan:
- Arizmendi
- Mondra Arizmendi
- Bergara
- Aloña Mendi
- Eibar
- Lazkao
- Beasain
- Ikasberri
Hilaren 30eko txapelketan izango diren senior mailako taldeak:
- Debagoieneko selekzioa
- Reala