Aretxabaletako kiroldegiak duen puntu indartsuetako bat da boulderra egiteko bereziki diseinatu duten gunea. Eta, zapatuan instalazio horiek merezi duten estreinua izango dute, EMFk antolatuta eta Udalaren laguntzaz Euskal Herriko zazpigarren boulder txapelketa egingo dutelako. Irabazleek diru kopuru polita jasoko dute saritan, eta txapelketan izena emateko 15 euro ordaindu beharko dira. Hemen eman daiteke izena –gogoan izan txapelketan parte hartzeko derrigorrezkoa dela federatuta egotea, eta eguena dela, azaroak 8, izena emateko azken eguna.
Eguneko programa:
- 10:00etan: lehiakideei bizkarreko zenbakiak banatzea.
- 11:00etan: Flash erako lehiaketaren hasiera (behe-mailako kategorien amaierako sailkapena sailkapen probaren emaitzen arabera zehaztuko da, ez da finalik izango).
- 17:30ean: finalak. 20 urte artekoak / absolutua