Proposamen berezia egiten dute Elgetako Maialde landa etxean zapaturako; afari begetarianoa, eta jarraian ipuin saioa.
Menurako proposatzen dituzte entsalada epela ortuko produktu gorriekin, kalabazin pastela sagar saltsarekin, eta aza rollitoa kus-kus, kinoa eta gazta freskoarekin betea.
Afalostean, aldiz, etxekoa den Amaia Arriaranek gidatuko du. "Publikoaren arabera aukeratuko ditut ipuinak, baina hasierako asmoa da Done Jakueko bidearen inguruko ipuinak kontatzea", esan du Arriaranek. "Erromesak egun amaieran mahaiaren bueltan elkartzen zirenean hamaika kontu izaten zituzten kontatzeko, eta badaude ipuin asko. Gurea ere hotela izanik polita iruditzen zait lotura hori egin, eta horrelako ipuinak kontatzea".
Ipuin kontalari saioa gazteleraz egingo du Arriaranek. Afariaren prezioa 27 euro da. Erreserba egiteko land aetxera deitu behar da; 943 78 91 07.