Partidu guztiak irabazita eta golik jaso gabe jarraitzen du Bergarak

Mirari Altube Arrese 2017ko ira. 23a, 20:46

Liga bikain hasi du Bergarak. Gaur Zarautz hartu du mendean (2-0) eta oraindik partidurik galdu gabe jarraitzen du, golik jaso gabe eta bederatzi gol sartuta. 

Gogotsu zelairatu dira bergararrak aurreko bi partiduak ere irabazita. Lehen hamar minutuak aspergarriak izan dira, baina ondoren hasi dira gol aukerak iristen. Hala, harmailetako zaleek Asis Peñak boleaz egindako jaurtiketa batean baloia sareetara bidaltzea ospatu dute, baina gutxi iraun die pozak, epaileak baliogabetu egin du-eta gola. Dena den, mahoneroak hobeto jokatzen hasi dira, eta, hala, Martin Azpiazuren gola izan da etxekoak markagailuan aurretik jarri dituena; gol polita gainera, area kanpotik sartu duena.

Bergararren bigarren gola bigarren zatian iritsi da, Iñigo Machoren eskutik, atezainaren aurrean Markel Ilzarbek egindako pasea baliatuta. Bost minutu beranduago, baina, Asis Peña bergararrari bigarren txartel horia atera dio epaileak eta hamar jokalarirekin geratu dira etxekoak. Hala ere, ez dute atzera egin eta aukerarik politenak eurek izan dituzte. Partidaren bukaeran golik ez, eta larritasun une batzuk bizi izan dira Zarauzko jokalari batek buruan kolpea hartu duenean. 

Taldearen denboraldi hasiera ezin hobeak zaleak ere animatu ditu eta harmailak lepo izan dira.

Partidua bukatutakoan elkarteko futbol talde guztiak aurkeztu dituzte, hamabost guztira.

Erlazionatuak

BKEko futbol saileko taldeak

Mirari Altube Arrese 2017 ira 23 Bergara

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak