Logoa

"Eskuak Elkarri" antzezlana ikusteko sarrerak salgai

 Arrasate Asteburu honetan, ekainaren 11n, 12an eta 13an antzeztuko dute Eskuak Elkarri antzezlan musikatua Amaia Antzokian eta gaur arratsaldean zabalduko dute Amaia Antzokiko takila, sarrerak saltzeko. Gaur hasi eta aste osoan erosi ahal izango dira sarrerak, 19:00ak eta 20:00ak bitartean.

Ekainaren 19an zabalduko dituzte Musakolako kanpoko igerilekuak

 Arrasate Musakolako kiroldegiko barruko igerilekuei egun gutxi geratzen zaie. Laster kanpokoak zabalduko dituzte, ekainaren 19an, eta horrela barrukoak itxi egingo dituzte. Udako denboraldia hastear, orain kanpoko gunea txukuntzen ari dira.

Mondragon Unibertsitateak enpresa kalitate arloan lan egiteko hitzarmena sinatu du Euskalit-ekin

 Arrasate Enpresa kalitate arloan lan handiagoa egiteko asmoz, Mondragon Unibertsitateak hitzarmena sinatu du Euskalit Fundazioarekin. Unibertsitatearen helburua da enpresei kalitate eta lehiakortasun maila altuagoa lortzen lagunduko dieten bideak jorratu eta eskaintzea.

Bittor Amozarrain gertu Gasherbrum II mendia igotzeko

 Arrasate Bittor Amozarrain mondragoetarra Himalaiara joango da datorren zapatuan (ekainak 12), Gasherbrum II zortzi mila metroko mendia igotzera. Gasteizko bost lagunekin joango da Bittor: "Dagoeneko bakoitzaren motxila prestatzea baino ez zaigu geratzen".

Iñaki Antiguedad: "Errazagoa da jasangarria zer ez den azaltzea"

 Arrasate Gaur, 19:00etan, EHUko irakasle, Iñaki Antiguedadek hitzaldia egingo du jasangarritasunaren inguruan. Arrasate Irratian egindako elkarrizketan, esan du, jasangarritasuna egun modan dagoela, baina errazagoa dela jasangarria zer ez den azaltzea. AHT bezalako proiektuak ez direla jasangarriak uste du.

Lanuzteak Udaletxean lan hitzarmena eskatzeko

 Arrasate Gaur egingo dute lehen lanuztea Arrasateko Udaletxeko langileek, oraindik ere lan hitzarmena sinatu barik dutelako. Udaletxeko langile gehienek eman dute ELA eta LAB sindikatuek egin duten greba deialdiaren aldeko botoa. Horretaz gainera, salatu dute Lakunza alkateak eta gobernu taldeak jarrera itxia agertu dutela negoziatzeko eskaera egin dieten bakoitzean.

Hitzaldi batekin hasiko da gaur, martitzena, Aste Berdea

 Arrasate Mendi irteerak, jolasak, tailerrak, hitzaldiak… izango dira egunotan Arrasaten, Aste Berdea egitasmoaren barne. Agenda 21 egitasmoa herritarrei hurbiltzeko modua da; Arrasateko udalak eta Eusko Jaurlaritzak antolatu dute. Euskal Herriko beste hainbat herritan dago abian Aste Berdea.

Sudc eta gaiteroen urtemugak nagusi San Juanetan

 Arrasate Sudc elkarteak 40. urtemuga ospatuko du San Juanetan fanfarren topaketa batekin. Gaiteroek, berriz, 25. urtemuga ospatuko dute, eta horiek ere gaiteroen topaketa antolatuko dute. Udalak ere gertu du egitaraua, bi dantza ikuskizun izango dira Monterronen besteak beste.

Oraingoz bukatu da zine komertzialaren eskaintza Amaia Antzokian

 Arrasate Gaur, astelehena, eskainiko da zine komertzialeko azken emanaldia. Urtarrilean hasi zen Udala zine komertziala eskaintzen. Udazkenean jarraipenik izango ote duen galdetuta, gaia aztertu egin behar dutela esan digute Udaletxean. Uztailean, hori bai, zine kluba izango da.

Erretiratuen egunean 1.000 lagun baino gehiago elkartu ziren

 Arrasate Bazkalostean erretiratu nagusienak omendu zituzten: Brigida Monje, 98 urtekoa, eta Ladislao Guinaldo, 93 urtekoa.

Juanito Arzamendi musikaria hil egin da

 Arrasate Juanito Arzamendi, Arrasateko musikagintzan zeresan handia izan duen gizona gaur, maiatzaren 28a, eguerdian, hil egin da Gasteizko Txagorritxu ospitalean 76 urte zituela. "Udalamendi" opera sinfonikoa egin zuen, besteak beste. Bihar, zapatua, egingo da 18:00ean hileta elizkizuna, San Juan Parrokian.

Galiziako Landrus taldearen kontra jokatuko du Arrasate Errugbi Taldeak, bihar

 Arrasate Arrasate Errugbi Taldeak lagun arteko partidua jokatuko du bihar (16:30, Garagartzan). Denboraldia hasi aurretik talde mondragoetarra Lugon izan zen, eta orain galiziarrei tokatzen zaie Mondragoera etortzea.

Goikobaluk "Eskuak Elkarri" ikuskizuna aurkeztu du

 Arrasate Goikobalu abesbatzak, herriko hainbat elkarteren laguntzarekin, Arrasateko historian oinarritutako "Eskuak Elkarri" ikuskizuna sortu du. Ekainaren 11n, 12an eta 13an egingo du Amaia Udal Antzokian. Gidoia Jose Mari Velez de Mendizabelek idatzi du, eta musika Sabin Salaberrik.

AGRk domekan du Euskadiko Mailara igotzeko aukera, Corazonistasen kontra

 Arrasate Igoera faseko azkeneko partidua jokatuko dute domekan (12:30, Iturripen) AGR Arrasatek eta Corazonistas taldeek. Azkeneko partidua eta urte osoko garrantzitsuena, bi taldetako bat Euskadiko Txapelketan izango da-eta datorren denboraldian.

Udalak dio, euskara kontuan hartuz Erdi Aroko azoka errepikatuko duela

 Arrasate Ines Aldai, Kultura saileko batzordeburuak Arrasate Irratian esan duenez, Erdi Aroko azoka arrakastatsua izan da eta datorren urtean ere egingo da. Hori bai, artisauen postuetan euskararen presentzia handitzeko ahalegina egingo dutela azpimarratu du.

"7 gezur txiki" ikuskizuna, Kultur Errotaren eskutik

 Arrasate Maiatzaren 28an, egubakoitza, Ramon Agirre aktoreak eta Joserra Senperena musikariak "7 gezur txiki" ikuskizuna egingo dute. Jai Zale tabernan izango da, 23:00etan.

Monterrongo komunak berriro apurtuta

 Arrasate Udalak berriro itxi behar izan ditu Monterrongo komun publikoak, joan den zapatuan egin zizkieten kalteen ondoren. Apurtu egin zituzten komunetako hainbat gauza eta kalteak konpontzeko 2.000 euroko aurrekontua behar da.

350.000 euro Arrasatera

 Arrasate ONCE itsuen zozketako saria Arrasaten egokitu zen aurreko ostiralean. Ernesto Trigas Arbolapetan egon ohi den saltzaileak 350.000 euro, ia 60 milioi pezeta, banatu zituen. contributors:

Mendi Astean diapositiba emanaldiak gaurtik hasi eta egubakoitzera arte

 Arrasate Besaide Mendi Elkartekoak Mendi Astean daude murgilduta, eta ekimen horri esker, gaurtik hasi eta egubakoitzera arte diapositiba emanaldi ikusgarriez gozatzeko aukera izango dute herritarrek. Diapositiba emanaldi guztiak Monterronen izango dira, 19:00etan.

Jende ugari jakin-minez gerturatu zen lehenengo Erdi Aroko azokara

 Arrasate Era guztietako tailer eta artisauek hartu zuten parte. Titiritero talde bat ere ibili zen jendea animatzen. Udalaren asmoa festa hau urtero antolatu ahal izatea da, aurten enpresa baten esku utzi badute ere.

Gida komertziala

Gida komertzialeko produktuak

Txakurrendako ile apaindegia
Bokatak
Auto berrien salmenta
Margoa Orokorrean
spa zonaldea