Logoa

Datorren astean irekiko dituzte ehizarako postuak

 Aramaio Azken asteotan ibili dira zozketatzen aurtengo ehiza-postuak. Egun hauetan, akreditazioak-eta jasotzen ibili dira herriko ehiztariak. Izan ere, irailaren azkeneko astean bukatuko da hegazti-migratzaileak ehizatzeko debekualdia. Bereziki, usoak, ahateak eta birigarroak ehizatuko dituzte.

Bertso eskola handitu egingo dute aurten

 Aramaio Berritasunak datoz aurtengo ikasturtean Aramaioko Bertso Eskolara. Batetik, irakasle aldaketa izango da eta bestetik, talde gehiago sortuko dituzte. Ikasturtea urriaren aurreneko astean hasiko da, Maritxu Kajoi egunaren ostean. Hala adierazi digu eskolako arduradun Manex Agirrek.

Bestelakoen artean, Haur Eskolaren gaia landuko dute datorren asteko batzarrean

 Aramaio Gai larregi barik, datorren eguaztenean egingo du udalbatzarrak ikasturte hasierako aurreneko osoko batzarra. Betiko moduan, 18:00etan izango da. Besteak beste, Haur Eskolaren gaineko informazioa helaraziko dio alkateak udalbatzarrari. Sahararren gaineko mozio bat ere izango da.contributors:

Badatoz Besaide eguna eta Aitor Aranaren omenezkoa

 Aramaio Lanpetuta dabiltza Orixol Mendi Elkartean azkenaldian. Izan ere, aurten Besaide eguna antolatzea tokatu zaie. Eta bi aste barru Aitor Aranaren omenezko VIII. ibilaldia da.

Asteburuan Eguzkierripako jaiak eta Andra Mari kofradiaren eguna dira

 Aramaio Bariku iluntzean hasi eta domekan bukatuko dira Eguzkierripako jaien ospakizunak. Barikuan eta zapatuan auzotarrek antolatutako ekimenak izango dira; eta domekan, berriz, Ibabeko Andra Mari kofradiak antolatutakoak.

Alaiak Erretiratu Elkartearen eguna ospatuko dute asteburuan

 Aramaio Alaiak Erretiratu Elkartearen eguna ospatzeko ekitaldiak antolatu dituzte irailerako. Hain zuzen ere, eguenean, barikuan, 15ean eta 16an izango dira ekimenak.

Testu liburuak erosteko laguntzen deialdia

 Aramaio Aramaioko Udalak 2004-2005 ikasturterako testu liburuak erosteko laguntzen deialdia zabaldu du. Haur Hezkuntzako bigarren zikloko, Lehen Hezkuntzako eta Derrigorrezko Bigarren Hezkuntzako ikasleendako izango dira laguntzak.

Marixeka Egunean 500 lagunetik gora elkartu dira aurten

 Aramaio Olaeta, Marin, Otxandio, Aramaio, Gasteiz eta Legutioko jendeak bat egin zuen tradizio handiko jai hori ospatzeko

Laster esleituko dituzte babes ofizialeko etxebizitzak eraikitzeko lanak

 Aramaio Babes ofizialeko etxebizitzak eraikitzeko urbanizazio lanak ia bukatu dituzte, errekako paretaren gaineko erabakia hartzea falta zaie. Era berean, hil honen 16an bukatzen da etxeok eraikitzeko enpresa eraikitzaileen proposamenak jasotzeko epea.

Oporretako postalen lehiaketa deitu du Txirritolak

 Aramaio Txirritola Euskara Elkarteak I. Postal Lehiaketa deitu du aurtengo udarako. Jasotako postal guztien artean zozketa egingo da; bi pertsonentzako egonaldia landa-etxe batean. Abuztuaren 31 baino lehen bidali behar dira postalak.

Bóreas Cámara taldearen kontzertua zapatuan

 Aramaio Datorren zapatuan, hilak 24, Bóreas Cámara taldeak emanaldia eskainiko du Kultura Etxean, 20:00etan. Erdi Aroko musikan oinarritutako hainbat doinu eskainiko dituzte. Sarrera doan izango da.

Udal zerbitzuak esleitzeko jardunean segitzen du Udalak

 Aramaio Udal zerbitzuen adjudikazioa aztertzen segitzen dabil Udala. Horren ondorioz, besteak beste, kiroldegiak itxita segituko du oraingoz. Bestelako zerbitzuen artean, berriz, udal eraikinen eta kaleen garbiketa herriko enpresa bati esleitu dizkio Udalak.

Jaietako Argazkiak jarri ditu Udalak Webgunean

 Aramaio Aramaioarrak nola eta zertan ibili dira jaietan? ba Aramaioko Udalak webgunean jarri du argazki galeria handi bat. 300 argazkitik egin dute aukeraketa eta aramaioar pila bat agertzen dira bertan. Bariku eta zapatu gauak, mariatxien emanaldia, kuadrilen arteko pikie...

Erantzun ona lortu dute aurtengo udako ikastaroek

 Aramaio Martitzenean egin zuten aurtengo udako ikastaroen irekiera ekitaldia. 60 lagundik gora batu ziren zinema aretoan. Gaur, barikua, izango da itxiera ekitaldia.

Zinema, musika eta jaiak, asteburuko protagonista

 Aramaio Hainbat kultura eta aisialdi eskaintza ditugu herrian egubakoitzetik domekara bitartean. Hain zuzen, zinema, musika emanaldia eta San Kristobal eguneko ospakizunak daude; eguneko, eskaintza bana.

Gazteak eta emakumeak izan dira protagonista aurtengo San Martiñetan Aramaion

 Aramaio Aurten lehendabiziko aldiz Aramaixo Tropikaleko Gazte Asanbladak antolatu ditu jaiak. Gaur emango zaio amaiera kamioi musikalarekin, Kuba festarekin eta beste hainbat ekitaldirekin.

Dena prest dago San Martin jaietarako

 Aramaio Dagoeneko prest dago guztia Aramaioko jaiak hasteko. Kontzertuak, antzerkia, musika, bertsolariak, umeendako jolasak eta beste hainbat ekintza izango dira aurtengo jaietan. Festa eta umore ona izango dira nagusi Aramaion uztailaren 2an hasi eta 5a bitartean.

San Juan sua eta loren bedeinkapena egin dute Azkoagan

 Aramaio Aramaion San Juan eguna ospatu dute eta atzo sua ere piztu zuten. Azkoaga auzoan, gainera, ohitura zaharra mantentzen dute. Iaz San Juan egunean bedeinkatutako lore sorta bota zuten sutara. Gaur ere aramaioar asko gerturatu dira Azkoagako parrokiara eta, lorak eta bedarrak bedeinkatu dituzte, datorren urtean San Juan sura botatzeko.

Uztailaren bigarren astean: udako ikastaroak

 Aramaio III. Aramaioko Uda Ikastaroa uztailaren 6an hasiko da eta 9an bukatu. “Euskal Herria XVI.mendean: gizarte eta kultura garai erabakigarrian” izenburua izango du.

Bisita gidatuak Zuiako Koadrilaren eskutik

 Aramaio Zuiako koadrilak autobusez egiteko bisita gidatuak antolatu ditu. Ekainean, uztailean, irailean eta urrian egingo dira irteerak. Hiru ibilbide daude aukeran: Urtegien ibilbidea, Dorretxeena eta Ur jauziena.

Gida komertziala

Kintelena

Kintelena Nardeaga 11
20500 Aramaio
Tel.: 945445124

Gida komertzialeko produktuak