Herri-lur ez urbanizagarrien diagnostikoa osatzeko bilera irekia egingo du Udalak herritarrekin. Etorkizunera begirako plangintza diseinatzea da helburu behinena, eta hori osatzeko udalak kontuan hartu nahi du herritarren ikuspuntua. Landuko dituzten gaiak izango dira, besteak beste, zein egoeratan dauden udalaren jabetzako basoak eta larreak eta nola kudeatuko dituzten etorkizunean.
Zirkoloretsua konpainiak Begiekin ikusten gara! lanarekin malabarrak, magia eta pailazoen emanaldia eskainiko ditu.
Zirkozaurre konpainiak Kobr3 zirku garaikideko ikuskizuna eskainiko du Udazabal ekimenaren baitan.
Erresistentzia zapatista izeneko argazki erakusketa, Lumatik herriak lankidetzarako eta herrien garapenerako erakundearen eskutik. Uztailaren 3tik 14ra, kultura etxeko erakusketa gelan.
Xalbadorpe elkarteak KZgunearekin elkarlanean ofimatika ikastaroa antolatu du uztailerako. Uztailaren 10etik 21era egingo dute astelehenetik barikura, arratsaldero, 18:00etatik 20:00etara. Landuko dira oinarrizko programen erabilera, testu edizioa, kalkulu orriak, aurkezpenak... Izena emateko deitu 650 50 58 99 telefonora.