Lorabarri astearen barruan, energia berriztagarrien proiektuen inguruko mahai-ingurua egingo dute Antzuolako, Elgetako eta Goienerreko esperientziak partekatuz.
Landatxope jubilatuen elkarteak 2023ko asanblada orokorra egingo du. 2022ko diru kontuak eta aurtengo aurreikuspenak izango dituzte gogoan; horrez gainera, baita egindakoaren memoria ere. Batzordean aldaketak ere egingo dira.
Nola sustatu gure seme-alaben autoestimua hitzaldia –gazteleraz– eskainiko die Nerea Mendizabalek gurasoei. Indarkeriarik gabeko komunikazioaren trebatzailea, psikopedagogoa, gizarte-hezkuntzan diplomatua eta haur-masajearen hezitzailea da Mendizabal.
Dokumental emanaldiaren ondoren solasaldia izango da; Elbiraren ikasle ohi bat eta Txantxiku ikastolako hasierako promozioetako ikasle bat izango dira hizlariak.
Liburuaren egilea Jose Angel Barrutiabengoa izango da aurkezpenean. Kulturateko Areto Nagusian.
Garbigune ibiltaria azokan egongo da gaur. 10:30etik 21:00etara. Traste zaharrak ere batuko dituzte gaur. Esekitoki guneen ondoan utzi behar dira (20:00etatik 22:00etara) baina aurretik deitu egin behar da: 943 71 19 38. BAI: Altzariak, koltxoiak, linea zuriko etxe tresna elektrikoak (hozkailuak, arropa garbigailuak...) eta linea gris marroiko etxe tresna elektrikoak (telebista, ordenagailua...). EZ: pneumatikoa, palet-ak, industria, nekazal eta abeltzaintza aktibitateetan sortutako hondakin handiak eta etxeetako obretako hondakinak (eskonbroak, zokaloak, tarimak, leihoak, markoak...).
Maiatzak 19arte Liburu Eraldatuekin egindako bilduma, Aran Santamariaren eskutik. Familia tailerrak, eta bisita gidatuak eskainiko dire, euskaraz eta gazteleraz. Jardueretarako aldez aurretik eman behar da izena