Osteguna, otsailak 9

10:00

Sasoibide

Santagedatx tontorreraino joango dira. Autobusa 10:00etan hartuko dute.

10:30

Traste zaharrak eta garbigune ibiltaria

Garbigune ibiltaria azokan egongo da gaur. 10:30etik 21:00etara. Traste zaharrak ere batuko dituzte gaur. Esekitoki guneen ondoan utzi behar dira (20:00etatik 22:00etara) baina aurretik deitu egin behar da: 943 71 19 38.  BAI: Altzariak, koltxoiak, linea zuriko etxe tresna elektrikoak (hozkailuak, arropa garbigailuak...) eta linea gris marroiko etxe tresna elektrikoak (telebista, ordenagailua...). EZ: pneumatikoa, palet-ak, industria, nekazal eta abeltzaintza aktibitateetan sortutako hondakin handiak eta etxeetako obretako hondakinak (eskonbroak, zokaloak, tarimak, leihoak, markoak...).  

14:00

Autonomoen jubilazioa eta negozio txikien transmisioa

Autonomoen erretiroaz eta negozio txikien transmisioaz berba egiteko jardunaldia egingo dute gaur Oñatin, Debagoieneko Mankomunitateak antolatuta. Norentzat: Negozio txikien jabeak, gehienez ere bost urteko epean (erretiroagatik edo beste arrazoi batzuengatik) jarduera uzteko asmoa dutenak eta negozio txikien jabeak, negozioaren transmisioa arrakastaz egiteko jarraitu beharreko urratsak ezagutu nahi dituztenak. Gaur jubilazioari buruz arituko dira eta 16an, negozio txikien transmisioari buruz. Jardunaldi horietara bertaratzen diren pertsonek beren negozioaren transmisioari buruzko doako aholkularitza indibidualizatua eta pertsonalizatua jasotzeko aukera izango dute. Doan da baina plazak mugatuak dira eta izena eman behar da aurretik: 943 79 30 90 edo rgarcia@debagoiena.eus.

16:45

Odola emateko autobusa

Odola emateko autobusa jarriko dute Herriko Plazan, Osakidetzak, Euskadiko Odol emaileak eta Eusko Jaurlaritzak babesten duten kanpainaren baitan. 

17:30

Itzalaren antzerkia: "Argia itzali da"

Luis Ezeiza herri eskolako Haur Hezkuntzako eraikinean, psikogelan izango da, 2 eta 5 urte arteko haurrentzat zuzenduta.

18:00

Komiki tailerra

Iñaki Martiarenaren eskutik, 6 urtetik gorakoendako.

18:30

Bibliobero: eztabaidagune feminista

Elgetako liburutegiak antolatuta Bibliobero zikloa. Hilaren 9an, 18:30ean, eztabaidagune feminista sexualitatea gaia ardatz hartuta.

19:00

Kepa Junkeraren 'Berpiztu' dokumentala

Kepa Junkera Berpiztu dokumentala, trikitilari bilbotarraren memoria eta lanari buruzkoa, otsailaren 9an iritsiko da Arkupeko pantaila handira (19:00etan). Fermin Aioak zuzendutako filmak trikitixaren maisu honen ibilbide musikala jasotzen du, baita 2018ko abenduan iktusa jasan ondoren bere ibilbide oparoaren bat-bateko etena ere.

19:00

Literatura solasaldia: 'Nik kantatu eta dantza egiten du mendiak'

Irene Solá idazlearen Nik kantatu eta dantza egiten du mendiak liburuaren bueltan solasaldia izango da Mikel Antzak koordinatuta.

20:00

'R.M.N.' filma, zineklubean

'R.M.N.' filma (Errumania, 2022). Zuzendaria: Cristian Mungiu. Iraupena: 125 minutu. Sarrera da bost euro.

17:30

20:30

'Habitat' erakusketa

Hilaren 17ra arte ikusgai.

14:40

20:00

Bibliobero: interesgunea

Elgetako liburutegiak antolatuta Bibliobero zikloa. Otsailaren 24ra bitartean literatura erotikoa eta sexualitate liburuekin osatutako interesgunea liburutegian.