Egitaraua
Martxoaren 8an, manifestazioa abiatuko dute herriko kaleetan barrena, arratsaldeko zazpietan hasita. Bestetik, martxoaren 12rako, zapatua, emakumezkoentzako dantza garaikide tailerra antolatu dute, eta Blanca Carrasco antzuolarrak gidatuko du saioa, Torresoroan, 10:30ean hasita. Izena eman daiteke udaletxean edo 650 80 52 48 telefonora deituta –arropa erosoa eta galtzerdiak eramatea gomendatu dute–.
Eta martxoaren 13rako, aldiz, Papicha, sueños de libertad film emanaldia antolatu dute, Torresoroan, 18:00etan. Antzuolarrei ekintzan parte hartzeko dei egin diete udal ordezkariek eta Andramanuelak emakume taldeak.
